E fundit!

11:11 Kosova & Bota

Tërmeti i fuqishëm godet Greqinë

Një tërmet i fuqishëm me magnitudë 5.1 ballë të shkallës R...

Ilir Beqaj sulmon kryetarin e Gjykatës së Mero Bazes

22 Tetor 2025, 16:40, Aktualitet CNA

Ilir Beqaj ka sulmuar ashpër kryetarin e Gjykatës së Lartë, mikun e ngushtë të Mero Bazes, gazetarit të familjes së Veliajt, Sokol Sadushin për deklaratat e tij në tryezën me përfaqësues të Komisionit të Venecias.

“Qytetari nuk kërkon drejtësi të përsosur, por drejtësi që përpiqet çdo ditë të jetë më e drejtë”, ka thënë Sadushi në fjalën e tij në tryezën e përbashkët me Komisionin e Venecias.

Kjo deklaratë ka sjellë reagimin e ish-ministrit të Shëndetësisë Ilir Beqajt, i cili i quan të papranueshme deklaratat e Sadushit.

Beqaj thekson se ky reagim sjell dy dimensione, autoritetin e vetë Sadushit, mikut të ngushtë të Mero Bazes, në botën juridike si dhe autoritetin dhe postin që mban si kryetar i Gjykatës së Lartë.

“Kryetari i Gjykatës së Lartë, zoti Sokol Sadushi, ka deklaruar dje në një tryezë me përfaqësues të Komisionit të Venecias: “Qytetari nuk kërkon drejtësi të përsosur, por drejtësi që përpiqet çdo ditë të jetë më e drejtë.”

Është një deklarim i rëndësishëm, me dy dimensione: Autoritetin e vetë emrit të Sokol Sadushit në botën juridike shqiptare, dhe autoritetin e postit që mban — Kryetar i Gjykatës së Lartë.

Por për mua është një deklarim i papranueshëm, sidomos i thënë nga zoti Sadushi. Edhe nëse ai e beson këtë gjë, nuk duhet ta thotë” ka deklaruar ish-ministri Ilir Beqaj.

Beqaj nënvizon se mentaliteti i Sokol Sadushit nuk duhet të legjitimohet as nga shoqëria, as juristët, as prokurorët e gjyqtarët apo avokatët dhe se duhet kundërshtuar para se të bëhet sundues.

"Nuk duhet që ky mentalitet të legjitimohet si i pranuar nga shoqëria jonë, sidomos nga juristët — qofshin gjyqtarë, prokurorë apo avokatë. Duhet ta kundërshtojmë përpara se të bëhet sundues”, ka thënë Ilir Beqaj.

Beqaj ironizon Sadushin duke thënë se, sipas tij një peshore mund të peshojë çdo ditë më mirë.

“Në sallat e gjykatave është e vizatuar peshorja e drejtësisë. Sipas deklaratës së zotit Sadushi, një peshore mund të peshojë çdo ditë më mirë. Po deri kur? Një peshore që nuk mat ekzaktësisht do të thotë që i vjedh blerësit. A ka vlerë të themi se do të peshojë çdo ditë më mirë, domethënë do të vjedhë çdo ditë më pak? Deri kur?”, ka theksuar Beqaj.

Në përmbyllje Beqaj i drejtohet me një mesazh Sadushit:

“I nderuar zoti Sadushi,

Sa më sipër nuk është polemikë, por mospajtim me relativizimin e drejtësisë dhe shqetësim që më vjen nga përvoja dhe nga përditshmëria e përballjes prej muajsh me padrejtësitë e drejtësisë”./ CNA