web counter
LEXO PA REKLAMA!

SHKARKO APP

“Djali im të shpallet i zhdukur”/ Babai i Ervis Martinajt, kërkesë zyrtare në Gjykatën e Lezhës

22 Tetor 2025, 15:34, Aktualitet CNA

“Djali im të shpallet i zhdukur”/ Babai i Ervis Martinajt,

Babai i të shumërkërkuarit Ervis Martinaj, Mustafa Martinaj, ka dorëzuar një kërkesë pranë Gjykatës së Lezhës lidhur me zhdukjen e të birit. Ai ka kërkuar që djali i tij të shpallet zyrtarisht person i zhdukur.

"Shtetasi Mustafa Martinaj kërkon pranë Gjykatës së  Shkallës së Parë të Juridiksionit të Përgjithshëm Lezhë  shpalljen të zhdukur të shtetasit Ervis Martinaj i datëlindjes 6.10.1982, lindur në Burrel dhe banues në  Fushë-Kuqe, Patok, Kurbin.", thuhet në kërkesë. 

“Djali im të shpallet i zhdukur”/ Babai i Ervis Martinajt,

Martinaj është denoncuar i zhdukur nga familjarët e tij në gusht të vitit 2022, ndërsa ende nuk ka asnjë informacion për të. Dyshohet se personi i fundit që e ka parë ishte Jeton Lami, ish-agjenti i Forcës së Posaçme Operacionale, i cili është dënuar me burg për shpërdorim detyre. Jeton Lami akuzohet se ka transportuar Ervis Martinajn me një makinë nga Durrësi në Tiranë në fillim të muajit gusht, pak para se ai të zhdukej. /CNA





Lajmet e fundit nga