web counter
LEXO PA REKLAMA!

SHKARKO APP

E fundit!

x

Inspektorati i Peshkimit zbret në Kune-Vain/ Asnjë tolerim për zonën e mbrojtur

22 Tetor 2025, 12:59, Aktualitet CNA

Inspektorati i Peshkimit zbret në Kune-Vain/ Asnjë tolerim për

Laguna e Vainit ishte në fokus të inspektimeve të kryera nga Inspektorati i Peshkimit, në bashkëpunim me Administratën e Zonave të Mbrojtura dhe Policinë e Shtetit. Prej kësaj të mërkure, strukturat përgjegjëse kanë zbarkuar në terren, pasi kompania që më parë shfrytëzonte lagunën e kishte të përfunduar kontratën që prej muajit maj.

Megjithatë, pavarësisht shkresave dhe paralajmërimeve të përsëritura, aktiviteti i paligjshëm kishte vijuar. Gjatë aksionit janë hequr rrjeta dhe materiale të tjera peshkimi, ndërsa autoritetet kanë theksuar se do të vazhdojnë kontrollet për të parandaluar çdo shkelje të ligjit në zonat e mbrojtura.

Inspektorati i Peshkimit bëri me dije se nuk do të ketë asnjë tolerim ndaj shkeljeve të këtij lloji dhe se askush nuk ka të drejtë të veprojë në zonat e mbrojtura pa lejen përkatëse. Ky operacion synon mbrojtjen e ekosistemit të lagunës dhe ruajtjen e biodiversitetit në një nga zonat më të rëndësishme natyrore të vendit.

Denoncimet për lagunën e Kune-Vainit kanë qenë të shumta, si për ndërtimet pa leje, ashtu edhe për peshkimin e paligjshëm, duke shkatërruar këtë zonë të mbrojtur.





Lajmet e fundit nga