web counter
LEXO PA REKLAMA!

SHKARKO APP

App Store
Google Play

Akuzat ndaj Saimir Kodrës/ Gjykata e Tiranës shpall fajtore Egla Cenon për shpifje

21 Tetor 2025, 17:35, Aktualitet CNA

Akuzat ndaj Saimir Kodrës/ Gjykata e Tiranës shpall fajtore Egla Cenon

Gjykata e Shkallës së Parë të Juridiksionit të Përgjithshëm Tiranë, Dhoma Penale ka shpallur fajtore Egla Cenon për veprën penale “Shpifja” ndaj Saimir Kodrës.

“Gjykata e Shkallës së Parë të Juridiksionit të Përgjithshëm Tiranë, Dhoma Penale, pasi ka mbyllur shqyrtimin gjyqësor të kërkesës penale me palë: viktimë akuzuese S.K., e akuzuar E.C. ka shqyrtuar dhe vlerësuar të gjitha aktet dhe provat të administruara në kuadër të këtij gjykimi penal, ka dëgjuar palët në pretendimet e tyre përfundimtare, në emër të Republikës,

VENDOSI :

1. Pushimin e akuzës për kryerjen e veprës penale të “Fyerja”, parashikuar nga neni 119/2 i K.Penal, në ngarkim të të akuzuarës E. C., pasi ndjekja penale për këtë vepër nuk mund të vazhdojë në referencë të nenit 328, pika 1, gërma ‘d’ dhe 387 të K.Pr.Penale.

2. Deklarimin fajtor të të akuzuarës E. C., për veprën penale të “Shpifja” e parashikuar nga neni 120/2 i K.Penal, në dëm të viktimës akuzuese Saimir Kodra dhe në bazë të neneve 30, paragrafi II dhe 43 të K.Penal, dënimin e saj me dënimin plotësues për publikimin e vendimit gjyqësor.

3. Publikimi i vendimit gjyqësor do të bëhet nga e akuzuara E. C., me shpenzimet e saj brenda 15 ditëve nga dita që vendimi merr formë të prerë”, thuhet ndër të tjera në vendimin e Gjykatës./ CNA





Lajmet e fundit nga