web counter
LEXO PA REKLAMA!

SHKARKO APP

App Store
Google Play

E fundit!

x

Bojkoti i avokatëve/ Maks Haxhia bën “kaçakun” për të anuluar seancat e Veliajt

21 Tetor 2025, 12:50, Aktualitet CNA

Bojkoti i avokatëve/ Maks Haxhia bën “kaçakun”

Dhoma Kombëtare e Avokatisë, e drejtuar nga Maks Haxhia, bën “kaçakun” duke u treguar muskujt institucioneve të drejtësisë, për të justifikuar skenaret e ulëta në shërbim të padronit Erion Veliaj.

Maks Haxhia i përgjigjet edhe shënimit redaksional të CNA-së, ku denoncohen prapaskenat e tij për të bojkotuar seancat, në periudhat kur GJKKO i zhvillon ato për kryebashkiakun e shkarkuar Erion Veliaj, i burgosur që prej 10 shkurtit dhe i marrë i pandehur me 13 akuza, për 5 vepra të rënda penale. Gjë të cilën Haxhia e cilësoi si absurditet.

 

Në prononcimin për mediat, kryetari i Dhomës Kombëtare të Avokatisë akuzoi Inpektoratin e Lartë të Drejtësisë, Këshillin e Lartë Gjyqësor dhe Këshillin e Lartë të Prokurorisë për neglizhencë, duke u justifikuar se sjellja me avokatin e arrestuar në sallën e gjyqit, e kishte detyruar të merrte vendimin e bojkotit të seancave.

Më tej, Maks Haxhia si shërbëtor i Veliajt, kërcënoi se do të bojkotonte për muaj të tërë seancat gjyqësore nëse nuk do të kishte reflektim apo do të kishte situatë të ngjashme si ajo e avokatit. Me sa duket, Maks Haxhia është i vendosur në misionin e tij për të shtyrë seancat e Veliajt.

“Klientët na kanë mbështetur, edhe pse në media ka pretendime se po bojkotohet për të shtyrë seanca. Është absurditet të mendosh që po shtyhet disa ditë bojkoti dhe u fitua çështja apo u pengua. Kupa është mbushur. Nëse situata vijon, po të ketë një rast të tillë më tepër nga institucionet drejtuese, do të braktisen të gjitha proceset për muaj”, deklaroi Haxhia./CNA





Lajmet e fundit nga