web counter
LEXO PA REKLAMA!

SHKARKO APP

App Store
Google Play

E fundit!

x

PS refuzoi miratimin e gjenocidit në Kosovë/ Panariti: Mund të ketë ndikuar presioni ndërkombëtar

20 Tetor 2025, 21:44, Aktualitet CNA

PS refuzoi miratimin e gjenocidit në Kosovë/ Panariti: Mund të

Ish-ministri Edmond Panariti ka komentuar mbrëmjen e sotme vendimin e mazhorancës, për të mos miratuar në seancë plenare rezolutën që dënon gjenocidin serb në Kosovë.

I ftuar në News24, Panariti tha se ky vendim mund të ketë ardhur nga presioni ndërkombëtar për të mos rritur më shumë tensionet në rajonin e Ballkanit. Më tej shtoi se ky qëndrim bie ndesh me parimin “një komb, një qëndrim”. Ish-ministri theksoi se Shqipëria duhet të jetë krah Kosovës në çdo hap që konsolidon njohjen e krimeve të ndodhura atje.

"Kjo ndodhi ndoshta nën presionin ndërkombëtar për të mos ushqyer tensione të reja në Ballkan, kur jemi në prag të rivendosjes Serbi- Kosovë. Kështu që mund të jetë një veprim i kalkuluar me mosveprim, pra bë një mos veprim për të vepruar realisht.

Kam përshtypjen që kjo shkon ndesh asaj që shpallet me të madhe një komb një qëndrim. Kosova, Bosnje Hercegovina kanë kaluar rezoluta për të dënuar gjenocidin serb ndaj popullatave të tyre.

Shqipëria duhet të jetë sinkron dhe duhet të jetë në krah të Kosovës në çdo hap që konsolidon atë që ka të bëjë me një shfarosje me vrasje mizore të popullsisë së Kosovës me zhvendosjet masive, depërtim të rreth 800 mijë kosovarëve drejt territorit shqiptar dhe përdhunime", tha Panariti. /CNA





Lajmet e fundit nga