web counter
LEXO PA REKLAMA!

SHKARKO APP

App Store
Google Play

Harta e re gjyqësore/ Drejtuesja e KLP-së: Nuk kemi bërë ende një analizë të problematikave

20 Tetor 2025, 16:47, Aktualitet CNA

Harta e re gjyqësore/ Drejtuesja e KLP-së: Nuk kemi bërë

Drejtuesja e Këshillit të Lartë të Prokurorisë, Mirela Bogdani po raporton te Komisioni i Ligjeve për veprimtarinë e KLP-së për vitin 2024. Bogdani i është përgjigjur pyetjes së anëtarëve të Komisionit lidhur me disa çështje.

Për hartën e re gjyqësore, ajo tha se KLP nuk ka patur kohë të bëjë një analizë të problematikave. Për afatet proceduriale, Bogdani tha se KLP nuk merret më punën që bëjnë prokurorët por me statusin dhe pavarësinë e tyre.

Drejtuesja e KLP, u përgjigj edhe lidhur me procedimet disiplinore, ku u shpreh se numri i tyre nuk varet nga Këshilli i Lartë i Prokurorisë.

"Për hartën e re gjyqësore, Këshilli nuk ka patur kohë të bëjë një analizë të problematikave të veta të funksionimit. Dokumenti, cili erdhi si studim i nevojave për ndryshim të hartave gjyqësore, që në fillim të vet sqaronte çështjen e aksesit, problematikë e evidentuar në të gjitha debatet. Shumë shpejt bashkë me KLGJ mund të adresojmë dhe çështjen e stokut.

Lidhur me afatet proceduriale, ne merremi me statusin, pavarësinë dhe karrierën e prokurorëve nuk merremi me punën e tyre. Çdo vit prokuroritë e juridiksionit të përgjithsëm raportojnë te Prokurori I Përgjithshëm. Në lidhje me vakancat në shkollën e Magjistraturës. Një mekanizëm zhbllokimi mund të ishte caktimi i juristëve të trajnuar, por ne nuk e kemi ne ligj. Për sa kohë se kemi në ligj, nuk mund të bëjmë gje.

Numri i procedimeve disiplinore, nuk varet nga Këshilli. Këshilli hyn në lojë kur vjen kërkesa nga ILD-ja. Ky është një process në të cilin KLP nuk ka zë. Rastet kur në nuk kemi mbajtur një qëndrim si e ka kërkuar ILD, kanë qenë të lidhura me çështjen e etikës. Ne jemi përpjekur të ruajmë një balancë, nga një anë ndërmjet prokurorit, nga një anë ndërmjet shkeljes. Një qasje drastike mund t’i stepë ata edhe nga ushtrimi i detyrës." tha Bogdani. /CNA

 

 

 





Lajmet e fundit nga