web counter
LEXO PA REKLAMA!

SHKARKO APP

App Store
Google Play

E fundit!

x

Raporti për vitin 2024/ Bogdani: Numër jo i lartë dosjesh stok, kërkohet edhe digjitalizim i hallkave të punës

20 Tetor 2025, 16:05, Aktualitet CNA

Raporti për vitin 2024/ Bogdani: Numër jo i lartë dosjesh stok,

Kryetarja e Këshillit të Lartë të Prokurorisë, Mirela Bogdani, prezantoi sot raportin për veprimtarinë e institucionit për vitin 2024.

Në fjalën e saj, Bogdani theksoi se KLP nuk është organ individual, por kolegjial.

Bogdani u shpreh se për momentin nuk është konstatuar ndonjë numër i lartë dosjesh stok, teksa u ndal edhe te kërkesa për digjitalizimin e proceseve të punës.

“Procesi i vlerësimit nuk është vlerësim i thjeshtë. Mblidhet informacion për dosjet dhe më pas përpunohet. Pasi përmbyllet procesi, raporti analitik shqyrtohet në prezencën e prokurorit. Ka gjetje që kërkohet të debatohen. Nuk jemi organ individual, por kolegjial. Lidhur me stokun e dosjeve, jemi përpjekur që ta adresojmë nëpërmjet bashkëpunimit me projektet e asistencës.

Nuk ka një stok aq të madh me sa është konstatuar. Lidhur me raportin me KLGJ-në dhe institucionet e tjera, marrëdhëniet janë intensifikuar. Kemi zhvilluar takime të përbashkëta. Një mbledhje e tretë do të zhvillohet në dhjetor. Do të jenë në nivel anëtarësh, komisionesh, por edhe stafesh. Për të vendosur ura të reja bashkëpunimi. Kemi pasur një lloj sfide mbi mënyrën se si do të zgjidhim vakancat, se janë të ndara, në të përhershme dhe të përkohshme. Numri i vakancave të përkohshme është 40. Nuk ka qenë në dorën e KLP-së 100% të vendosë.

Sa i përket digjitalizimit të proceseve, duke qenë se nuk kemi informacion të klasifikuar që të duhet të kalojë në procese të tjera, informacioni është transprent dhe është kërkuar që të krijohet një arkivë digjitale për të gjithë provesin e punës dhe për të gjitha hallkat”,-tha Bogdani./CNA





Lajmet e fundit nga