Prej 64 ditësh, Erion Veliaj dhe Mero Baze vijojnë shpifjen e tyre

20 Tetor 2025, 14:08, Aktualitet CNA

Kanë kaluar 64 ditë nga mashtrimi publik i Erion Veliajt dhe Mero Bazes.

Prej 64 ditësh Veliaj dhe Baze vazhdojnë të gënjejnë në lidhje me pretendimet e tyre se prokurori Ols Dado ka nisur hetimet për hakmarrje dhe në konflikt interesi se kryebashkiaku tashmë i shkarkuar nuk i ka dhënë shtesë mbi lejen e ndërtimit.

As Veliaj dhe as Mero Baze nuk kanë publikuar dokumentin me firmën e Ols Dados dhe as refuzimin me firmën e Erion Veliajt për shtesën mbi lejen.

Kërkesë që nuk ekziston, njësoj si inceneratori i Tiranës.

Për 64 ditë gjithçka ka mbetur në kuadrin e shpifjeve, mashtrimit publik. Fakti është se Erion Veliaj, kryebashkiaku tashmë i shkarkuar ka 13 akuza për 5 vepra të rënda penale.

Veliaj është kapur 9 herë në korrupsion, në shpërdorim detyre, në pastrim të produkteve të veprës penale, të fshehjes së pasurisë, futjen e sendeve të ndaluara në qeli.

Mashtrimet e Veliajt dhe Mero Bazes janë një sulm që i bëhet drejtësisë.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

Prej 64 ditësh, Erion Veliaj dhe Mero Baze vijojnë shpifjen e tyre

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

Prej 64 ditësh, Erion Veliaj dhe Mero Baze vijojnë shpifjen e tyre

Pse nuk e nxjerr Veliaj, dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia. Pse nuk e vërteton Mero Baze te "Tema" e Veliajt?

Prej 64 ditësh, Erion Veliaj dhe Mero Baze vijojnë shpifjen e tyre

Pse nuk e publikon dokumentin me firmën e Ols Dados dhe refuzimin me firmë të Erion Veliajt?

Sot bëhen 64 ditë nga turpi i një ish-kryebashkiaku, të kapur 9 herë në korrupsion, në shpërdorim detyre dhe me shumë vepra të tjera të rënda penale, dhe mbetjes së tij mediatike./CNA