web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i avokatit/ Dhoma e Avokatisë vendos bojkot të seancave gjyqësore për 5 ditë

19 Tetor 2025, 16:34, Aktualitet CNA

Arrestimi i avokatit/ Dhoma e Avokatisë vendos bojkot të seancave

Komiteti Drejtuesi i Dhomës së Avokatisë të Shqipërisë ka dalë me një vendim pas arrestimit të avokatit U.B.

Në vendim thuhet se për 5 ditë do të bojkotohen të gjitha seanca gjyqësore, si në hetim dhe në gjykim, në të gjitha shkallët, përfshi edhe proceset në Gjykatën Kushtetuese. Gjithashtu thuhet se avokatët të cilët nuk e zbatojnë vendimin përbëjnë shkelje të rëndë disiplinore

Komiteti Drejtues ka kërkuar që kjo çështje të shqyrtohet nga ana e Inspektorit të Lartë të Drejtësisë, Këshillit të Lartë Gjyqësor dhe Këshillit të Lartë të Prokurorisë. Ndërkohët bëhet me dije së është shtyrë për një datë tjetër, tryeza e rrumbullakët e planifikuar me Ministrinë e Drejtësisë në datën 20 tetor.

Vendimi i plotë:

Komiteti Drejtues i Dhomës së Avokatisë të Shqipërisë

Komiteti Drejtues i Dhomës së Avokatisë së Shqipërisë shqyrtoi ngarjen tepër të rëndë lidhur me arrestimin e kolegut Av. Ulian Barjami, pasi mori kontakt personalisht me kolegun Barjami dhe u njoh drejtpërdrejt dhe në detaje me këtë ngjarje. Me vendim qarkullues, Komiteti vendosi unanimisht:

1.       Bllokimin, nëpërmjet bojkotit të të gjitha proceseve penale, si në hetim dhe në gjykim, në të gjitha shkallët, përfshi edhe proceset në Gjykatën Kushtetuese, për datat 20 tetor deri në 25 tetor. Përjashtohen nga efektet e këtij vendimi pjesmarrja në cështjet penale me objekt caktimi, ndryshimi, zëvendësimi dhe shuarje të masave të sigurimit.

2.      Mospjesëmarrja e avokatëve në proceset penale si në hetim dhe gjykim në datat e mësipërme, është arsye objektive për shtyrjen e proceseve gjyqësore.

3.      Moszbatimi i këtij i këtij vendimi nga avokatët përbën shkelje të rëndë disiplinore, si rrjedhojë shërben si bazë për fillim të procedimit disiplinor nga Komiteti i Disiplinës, duke u shoqëruar me vendosjen e masave më të rënda disiplinore, pezullim deri në heqjen e liçensës së ushtrimit të profesionit.

4.      Komiteti Drejtues kërkon angazhimin urgjent dhe me përgjegjësi për shqyrtimin e kësaj cështje nga ana e Inspektorit të Lartë të Drejtësisë, Këshillit të Lartë Gjyqësor dhe Këshillit të Lartë të Prokurorisë.

5.      Për zbatimin e këtij vendimi ngarkohen Dhomat Vendore të Avokatisë.

6.      Depozitimin e një kopje vendimi, pranë çdo gjykate në të gjitha nivelet.

7.      Depozitimin e nje kopje vendimi prane Inspektorit të Lartë të drejtësisë, Keshillit të Lartë Gjyqësor dhe Këshillit të Lartë të Prokurorisë.

8.     Shtyrjen për një datë tjetër të tryezës së rrumbullakët të caktuar paraprakisht me Ministrinë e Drejtësisë në datën 20 tetor, me objekt “Diskutimi i Projekt Kodit Penal midis grupit të punës dhe Dhomës se Avokatisë të Shqipërisë, organizuar nga Ministria e Drejtësisë. /CNA





Lajmet e fundit nga