web counter
LEXO PA REKLAMA!

SHKARKO APP

App Store
Google Play

Tentativa e Mero Bazes për shtrembërimin e deklaratës së Dumanit

17 Tetor 2025, 21:56, Aktualitet CNA


Kreu i Prokurorisë së Posaçme, Altin Dumani ishte në mbledhjen e Komisionit të Ligjeve, ku raportoi për veprimtarinë e institucionit që ai drejton përmes Raportit për vitin 2024. Dumani u pyet nga deputeti socialist Damian Gjiknuri lidhur me ndalimin e pajisjeve elektronike për të paraburgosurit.

Dumani, në përgjigje të interesimit të deputetit socialist, u shpreh se rregulli për ndalimin e pajisjeve elektronike nuk është përgjegjësia e SPAK-ut, por është nën varësi të Ministrisë së Drejtësisë dhe Drejtorisë së Përgjitshme të Burgjeve.

“Lidhur me mundësinë e mjeteve teknike dhe elektronike në paraburgim, nuk është pjesë e përgjegjësisë sonë, por e Ministrisë së Drejtësisë dhe Drejtorisë së Përgjithshme të Burgjeve. Kryesorja është që duhet të ndryshohet ligji për trajtimin e të paraburgosurve, ligji për ekzekutimin e vendimeve penale. Mendimi im modest është se duhet të ndryshohet një orë e më parë, t’iu jepet kjo mundësi. Falë teknologjisë, edhe në internet mund t’ia kufizosh se çfarë mund të shohë dhe çfarë mund të përdorë, jo më një kompjuter aty pa internet që mund t’ia kontrollosh, por për këtë duhet një ndryshim ligjor, edhe pse nuk është përgjegjësia e jona”,-deklaroi Dumani.

Kreu i SPAK nënvizoi se ky ligj duhet të ndryshojë sipas mendimit të tij, duke ju referuar këtu VKM-së 209, datë 4.6.2022, neni 26, pika ‘c’ e Rregullores së Përgjithshme të Burgjeve, ku ndër të tjera nënvizohet se: “Në mjediset e brendshme të institucionit nuk lejohet të mbahen dhe të qarkullohen nga të burgosurit: c) pajisje transmetimi dhe komunikimi, përfshirë aparatet celulare, pjesë të tyre dhe çdo lloj aksesori”, duke nënkuptuar këtu edhe pajisje të tjera elektronike, si laptop apo kompjuter.

Tentativa e Mero Bazes për shtrembërimin e deklaratës së
Neni 26

Mero Baze, i cili njihet për sulmet e tij konstante ndaj SPAK-ut, ka tentuar të shtrembërojë këtë deklaratë të Dumanit, kjo në vazhdën e sulmeve ndaj institucionit të drejtësisë, sidomos pasi Erion Veliaj u arrestua për t’u vendosur në paraburgimin e Durrësit.

 “Dumani nxori zbuluar “Regjimin e Ulsiut” në burgje, pasi kufizimet e shkaktuara nga ajo që njihet si “Regjimi i Ulsiut në burgje” kanë përfshirë moslejimin e përdorimit të kompjuterit apo laptopit në qeli, sekuestrimin e mjeteve të punës që lejojnë leximin digjital të materialeve, si dhe linçim poshtërues në rastet e sëmundjeve apo ndërhyrjeve kirurgjikale. Të jesh i burgosur dhe të mos kesh mundësi të lexosh akuzën tënde në burg, sepse nuk të lejon Ulsiu të kesh kompjuter, do të thotë se je vënë përpara detyrimit: ose duhet të paguash tek administrata e burgut, ose duhet të bësh pazar politik me ministrin, që të krijosh kushtet minimale për të lexuar akuzën”,-thotë ndër të tjera Mero në shkrimin e tij më të fundit. 

Në fakt, deklarata e Dumanit në Komision është krejt ndryshe. Dumani nuk foli në asnjë moment për moskrijimin e mundësisë së të pasurit një kompjuter apo pamundësisë për të lexuar akuzën në burg. Dumani tha se ndalimi i sendeve elektronike nuk është përgjegjësi e SPAK-ut, por se duhet ndryshuar rregullorja në burgje, duke iu referuar këtu VKM-së së vitit 2022./CNA





Lajmet e fundit nga