web counter
LEXO PA REKLAMA!

SHKARKO APP

App Store
Google Play

Protesta për ish-krerët e UÇK-së në Tiranë/ Nesho: Rama e mbështet për disa arsye

17 Tetor 2025, 15:33, Aktualitet CNA

Protesta për ish-krerët e UÇK-së në Tiranë/

Ish-ambasadori Agim Nesho ka folur ditën e sotme lidhur me protestën që do të zhvillohet në sheshin “Skënderbej” në Tiranë në mbështetje të ish-krerëve të UÇK-së. Nesho u shpreh se mungesa e provave dhe zvarritja e gjyqit ndaj ish-liderëvë të UÇK-së bën që qytetarët e kombit shqiptar të reagojnë në mbrojtje të tyre.

"Është një manifestim në përkrahje të 4 drejtuesve kryesorë të UÇK-së të një epopeje të lavdishme. Mungesa e provave dhe zvarritja e gjyqit e bën opinionin shqiptar të mbrojë këtë epope", tha Nesho.

Më tej ai komentoi edhe mbështetjen e kryeministrit Edi Rama për protestën ku tha se janë disa arsye për të cilat ai po e bën këtë.

"Asgjë në Shqipëri nuk zhvillohet pa dirigjimin e autokratit. Rama e bën këtë për disa arsye. Rama po bën 'mea culpa' sepse në periudhën kur mblidhen informacione nga Serbia për autoritetet kryesore të Kosovës, Rama ishte në një dashuri të pajustifikueshme me Vuçiç. Më pas kaloi në 'Ballkanin e Hapur'. Ka pasur një bashkëveprim të Ramës me Vuçiç-in duke anashkaluar qëndrimin që duhet të mbante Shqipëria e bashkuar si një komb ndaj një procesi të padrejtë. Së dyti Rama e bën se është në situatë të keqe brenda vendit jo vetëm për korrupsion, por dhe lidhje me krimin e organizuar. Këtë e bën për t'u thënë atyre brenda dhe jashtë vendit se unë jam pika e referimit të kombit shqiptar", tha ai. /CNA





Lajmet e fundit nga