web counter
LEXO PA REKLAMA!

SHKARKO APP

App Store
Google Play

E fundit!

x

“Maratonomaku shqiptar” në mbështetje të UÇK-së/ Domnori: Gjatë luftës strehuam një familje nga Peja

17 Tetor 2025, 14:56, Aktualitet CNA

“Maratonomaku shqiptar” në mbështetje të

Ky është Irfan Domnori nga Shkodra. Mesditën e kësaj të premte ai u nis drejt Tiranës për të marrë pjesë në protestë gjithëkombëtare në mbështetje të UÇK-së. Irfani tregon se gjatë luftës së Kosovës familja e tij mori në banesë një familje nga Peja.

"Kjo është një ditë shumë e veçantë sepse protestohet për të drejtat tona si shqiptar, për vëllezërit tanë që kanë shkuar në Hagë për t'u gjykuar sepse kanë mbrojtur të drejtat dhe shtëpitë e tyre. Gjithmonë prindërit tanë na kanë folur për Kosovën. Me ardhjen e demokracisë u fol edhe më shumë derisa u formua ushtria e Kosovës. Edhe pse ishim ngushtë me shtëpi unë kam marrë një familje nga Peja gjatë luftës. Kur mbaroi lufta janë kthyer fluturim si dallëndyshe në vendlindje. 1 muaj pasi kanë ikur unë shkova atje i vizitova. Kur më panë kemi qarë të gjithë. Edhe pse ika 1 muaj pas lufte në Gjakovë pashë ende shtëpi që nxirrnin tym, një barbari e jashtëzakonshme. Më pas kemi mbajtur kontakte dhe kam shkuar në aktivitete sportive. Unë e dënoj fort procesin që po bëhet ndaj atyre që kanë mbrojtur shtëpitë e tyre. Nëse duhet barazi përse nuk arrestohet e gjithë NATO-ja?", tha Domnori.

Irfan Domnori njihet si maratonomaku me flamur, i cili çdo nëntor marshon drejt Ulqinit në këmbë me veshje kombëtare dhe flamur kombëtar, duke u dalluar për patriotizëm dhe lidhje të veçantë me shqiptarët e Kosovës. Mbështetjen ndaj tyre e tregoi edhe këtë të premte duke iu bashkuar protestës në Tiranë./ CNA





Lajmet e fundit nga