web counter
LEXO PA REKLAMA!

SHKARKO APP

App Store
Google Play

Protesta për drejtësi ndaj UÇK-së/ Gucati: Gjykatat e padrejta po përpiqen të barazojnë viktimën me xhelatin

17 Tetor 2025, 18:13, Aktualitet CNA

Protesta për drejtësi ndaj UÇK-së/ Gucati: Gjykatat e

Kreu i Organizatës së Veteranëve të Luftës së UÇK-së, Hysni Gucati ndodhet sot në Tiranë, në protestën për drejtësi ndaj ish-krerëve të UÇK-së.

Në fjalën e tij para sheshit “Skënderbej”, Gucati theksoi se Gjykata Speciale e Hagës po tenton që të barazojë viktimën me xhelatin.

Gucati u shpreh se Tirana po proteston për të ngritur zërin për drejtësi e për të mbrojtur luftën e shenjtë, të atyre që dhanë gjithçka për atdheun.

“Ne sot protestojmë për të ngritur zërin për drejtësi, jemi këtu për të mbrojtur luftën e shenjtë të UÇK, për të mbrojtur gjakun e atdheut për liri dhe nderin e çlirimtarëve tanë. UÇK nuk ka nevojë me dëshmuar se ka qenë ushtri çlirimtare. Këtë e ka dëshmuar historia, populli dhe varret e Dëshmorëve të Kombit. Gjykatat e padrejta po përpiqen të barazojnë viktimën me xhelatin, duan të njollosin luftën tonë të shenjtë për liri. Nuk do të lejojmë të njollosin emrat e komandantëve tanë. Kjo protestë nuk ka lidhje me politikë. Kjo është protestë për popullin shqiptar. Ne kërkojmë drejtësi dhe baraza para ligjit. Tirana sot është kryeqendra. Sot nga kjo tokë i themi botës se nuk ishim kriminelë, por bijtë e këtij kombi që dhanë gjithçka për atdhe”,- tha Gucati./CNA





Lajmet e fundit nga