web counter
LEXO PA REKLAMA!

SHKARKO APP

App Store
Google Play

E fundit!

x

Taktika e avokatëve të Veliajt, si "forum shopping"

17 Tetor 2025, 17:53, Aktualitet CNA

Taktika e avokatëve të Veliajt, si "forum shopping"

Në media po qarkullojnë materiale të shkruara nga Sokol Sadushi, i cili që prej ditës që skualifikoi me një shënim tepër një votë për kandidaten Llagami, ka nisur të shpërndajë shkrime që "shpjegojnë" se pse Llagami duhej skualifikuar.

Ajo që nuk ka më nevojë për sqarim është beteja personale e Sokol Sadushit për kapjen privatisht të Gjykatës Kushtetuese. Jo për të mbrojtur shallin e kuq të pionierit, por vendimet e veta dhe përfundimisht, përfitimet private nga ato vendime.

Reforma në drejtësi për postet e Gjykatës Kushtetuese, ka degraduar kështu në beteja për kapjen e çdo karrikeje nga Berisha, nga ekipi i Ramës dhe nga Sokol Sadushi.

Tre palë që po përplasin brirët, jo për cilësinë, por për ndikimin mbi Gjykatën Kushtetuese.

Naureda Llagami është person i promovuar dhe mbështetur deri dje nga Erjon Veliaj. E ky tashmë nuk është sekret për publikun. Por, Llagami nuk parapëlqehet nga Sokol Sadushi, i cili po sulmon hapur dhe fshehur (jo dhe aq fshehur në fakt), që të ndalojë zgjedhjen e Llagamit në Gjykatën Kushtetuese.

Sadushi kundërshton ankiminin e Llagamit në Gjykatën Kushtetuese duke shpjeguar se kjo e fundit, pasi u ankua në Gjykatën administrative dhe humbi, ankimimin duhet ta bente tek ai, pra tek Sadushi.

Pasi i bëri publikisht presion Gjykatës së Apelit Administrativ, që të rrëzonte padinë e Llagamit, Sadushi po i ben presion publik tani Llagamit dhe Gjykatës Kushtetuese. Sipas Sadushit, nëse Llagami ankohet ndaj tij, atëherë këtë duhet ta bëjë vetëm tek ai e tek askund tjetër.

Të jetë kjo çmenduri e reformës, apo është Sadushi që nuk ndihet mirë?

Diku Sadushi shprehet:

"...(Llagami) me ngut të pazakontë e çon kërkesën në Gjykatën Kushtetuese. Një sjellje tipike e një “forum shopping”, që njihet në doktrinë si sjellje procedurale abuzive, pra të gjesh jo autoritetin/gjykatën që ligji autorizon, por një tjetër autoritet/gjykatë që mund të jetë më e favorshme për znj. Llagami."

Nuk e vlerësojmë dot shijen e Llagamit për çështje 'pazari', por ajo që përshkruan Sadushi, ngjan pikë për pikë me sjelljen që kanë zgjedhur avokatët e Veliajt.

Ndërsa Veliaj u shkarkua me një nen që e bënte aktin të ankimueshëm në Gjykatën Administrative, avokatët e tij thonë që Veliaj është shkarkuar me një nen që e përcillte çështjen në Gjykatën Kushtetuese.

Duke përdorur kështu Gjykatën, që është më e favorshme e që i zgjat agoninë e detyrës Erion Veliajt./CNA





Lajmet e fundit nga