web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i avokatit/ Reagon Dhoma e Avokatisë: Ngjarje e paprecedentë

18 Tetor 2025, 22:27, Aktualitet CNA

Arrestimi i avokatit/ Reagon Dhoma e Avokatisë: Ngjarje e paprecedentë

Dhoma e Avokatisë ka reaguar në lidhje me arrestimin e avokatit U. B.

Në reagimin e bërë, Dhoma e Avokatisë thotë se dënon arrestimin e avokatit.

Më tej, në reagim thuhet se avokati u vu në pranga për shkak të deklarimeve të tij në kuadrin e mbrojtjes në sallën e gjyqit.

Dhoma e Avokatisë i bën thirrje ILD, KLP dhe Prokororisë së Përgjithshme të veprojnë urgjentisht mbi rastin.

 

Reagimi i Dhomës së Avokatisë

 

Avokati kundërshton provat e falsifikuara në gjykim, Prokurori e arreston për kanosje!

Dhoma Kombëtare e Avokatisë së Shqipërisë dënon me forcë arrestimin e avokatit Ulian Barjami nga Policia e Elbasanit.

Nga sa Dhoma e Avokatisë ka marrë dijeni, rezulton se një përballje e armëve të barabarta në sallën e gjykimit, sipas ligjit, ka përfunduar në një abuzim të atributeve të prokurorit, duke mos pranuar debatin gjyqësor, por duke urdhëruar prangosjen e avokatit Ulian Barjami, anëtar i Dhomës së Avokatisë Tirnaë.

Qëndrimi i Dhomës së Avokatisë së Shqipërisë

Kemi të bëjmë me arrestimin e avokatit për shkak të deklarimeve të tij në kuadrin e mbrojtjes në sallën e gjyqit, duke u trajtuar deklarata e tij — se do të bëjë kallëzim për falsifikim provash kundër prokurorit — si kanosje dhe kundërshtim i prokurorit.

Ngjarje kjo e paprecedentë, ku një avokati i hiqet liria për shkak të fjalës së lirë në sallën e gjykimit, ku ai shpreh mendimin për falsitetin e provës dhe përgjegjësinë që, sipas avokatit, duhet të mbajë autori i falsifikimit, që në këtë rast është prokurori.

Dhoma e Avokatisë u bën thirrje Inspektorit të Lartë të Drejtësisë, Këshillit të Lartë të Prokurorisë si dhe Prokurorisë së Përgjithshme të veprojnë urgjentisht për këtë rast flagrant arbitrariteti dhe shkeljeje të hapur të ligjit.

Kjo, pasi Dhoma, duke u bazuar në kuadrin ligjor dhe Kushtetutën e Shqipërisë, ende beson se jemi Republika e Shqipërisë – një shtet me drejtësi të bazuar në prova dhe fakte – dhe jo në një “Republikë të Prokurorëve”./CNA





Lajmet e fundit nga