web counter
LEXO PA REKLAMA!

SHKARKO APP

App Store
Google Play

E fundit!

x

Protesta në minierën e Spaçit/ Deputeti i PD-së takim me kompaninë, asnjë marrëveshje

18 Tetor 2025, 14:57, Aktualitet CNA

Protesta në minierën e Spaçit/ Deputeti i PD-së takim me

Jo vetëm që nuk kanë arritur asnjë marrëveshje, por 16 minatorë të minierës në Spaç janë pushuar nga puna. Prej 10 ditësh rreth 70 minatorë kanë bojkotuar punën dhe ende nuk është gjetur një zgjidhje mes palëve, pasi kompania nuk ka pranuar të ulet në bisedime me pretendimin se sindikata e krijuar nga punonjësit nuk plotëson kriteret ligjore. Minatorët paralajmërojnë nisjen e grevës së urisë nëse kërkesat e tyre nuk do të merren në konsideratë.

"Ne kishim një protestë të ligjshme, të paralajmëruar dhe ata ma hoqën nga puna. 16 persona kanë hequr, kryesisht këshillin sindikal. Largohemi pa asnjë paralajmërim. Do përdorim instancat ligjore si dhe mjetet e tjera të grevës."

"Atë që na takon me kod pune, ne do e çojmë deri në fund. Nuk e pranojnë sindikatën sepse ata duan një sindikatë që u intereson atyre. Ne duam një sindikatë që të mbrojë të drejtat tona. Do jemi gjithë kohën këtu. Ne jemi në grevë e në këtë kohë ai nuk ka të drejtë as të heqë e as të marrë punëtorë."

"Ne kemi sinjalizim se do të kemi një takim edhe në ministri të martën. Nëse nuk merr zgjidhje atëherë do nisim grevën e urisë".

Deputeti i Partisë Demokratike në Qarkun e Lezhës, Gjin Gjoni, zhvilloi një takim me përfaqësues të kompanisë turke, por pa arritur një marrëveshje mes palëve.

"Kompania turke është koncensionar jo pronar i minierës. Pronar është shteti shqiptar dhe ata duhet të plotësojnë të gjithë legjislacionin në fuqi. Unë jam çdo ditë në suportin e tyre, do vij e të mbështes çdo ditë protestën. Është mirë që organet shqiptare të ndërhyjnë në këtë konflikt, i cili është agravuar. Kompania ka humbje, por edhe këta minatorë janë më të humburit sepse kanë familje për të mbajtur".

Prej 10 ditësh minatorët nuk e kanë ndalur protestën e tyre teksa kërkojnë ndërhyrje edhe nga qeveria shqiptare.

Kompania turke jo vetëm që ka refuzuar të ulet në bisedime, por ju ka komunikuar largimin nga puna 16 minatorëve pjesë e këshillit sindikal, me pretendimin se kanë bojkotuar punën pa paralajmëruar në kundërshtim me ligjin!/ CNA





Lajmet e fundit nga