E fundit!

20:35 Politikë

Rama për projektin e Zvërnecit: Do të jetë krenari për Shqipërinë dhe për Europën

Kryeministri Edi Rama në konferencën ndërqeveritare është ...

“Nuk jemi dekor institucional”/ Zaçaj: Gjykata Kushtetuese ka dhënë këtë vit vendime të rëndësishme

20 Tetor 2025, 14:43, Aktualitet CNA

“Nuk jemi dekor institucional”/ Zaçaj: Gjykata Kushtetuese ka

Kryetarja e Gjykatës Kushtetuese, Holta Zaçaj, ishte sot e pranishme në konferencën e mbajtur në Tiranë me rastin e 30-vjetorit të anëtarësimit të Shqipërisë në Këshillin e Europës dhe 35 vite në Komisionin e Venecias.

Në fjalën e saj, Zaçaj tha se mësimi kryesor i këtyre mbi 30 viteve të partneritetit me institucionet europane është që Gjykata Kushtetuese të mos jetë thjesht një dekor institucional.

Zaçaj u shpreh se përgjatë këtij viti, Kushtetuesja ka dhënë vendime të rëndësishme, teksa theksoi edhe rolin e Konventës Europiane të të Drejtave të Njeriut.

“Një Gjykatë Kushtetuese që nuk guxon është thjesht dekor institucional. Ky është mësimi i 30 viteve të partneritetit tonë me instituicionet europiane. Të drejtat e njeriut nuk janë një ideologji apo një sistem mendimesh abstrakte. Ato janë pjesë e pandarë e qenies sonë, të cilat marrin kuptim vetëm kur përkthehen në veprime konkrete dhe zbatohen nga të gjitha institucionet shtetërore.

Në vitin 1995, Shqipëria u bë anëtare e Këshillit të Europës dhe vetëm një vit më vonë ne ratifikuam Konventën Europiane për të Drejtat e Njeriut. Gjykata Kushteuese ka reflektuar këtë qasje, por edhe në një sërë vendimesh të rëndësishme të marra përgjatë këtij viti, për të cilat dha interpretime të rëndësishme dhe konstatoi edhe cenimin e të drejtave të njeriut. Këto vendime janë shprehje e përkatësisë sonë të pakthyeshme në Konventë.

Vendimet e Gjykatës Kushtetuese janë përfundimtare dhe nuk duhen kontestuar nga asnjë institucion, kjo është kyçe për të respektuar Kushtetutën. Ne nuk kemi laspsin, por gomën, nuk shkruajmë ligje, por fshijmë ato që bien ndesh me Kushtetutën.

Kushtetuta nuk është lojë e politikanëve, por kontratë me qytetarët. Drejtësia duhet të jetë e drejtë dhe kushtetuese, nuk mund të jetë mjet pushteti, por mbrojtjeje. Të drejtat e njeriut janë universale dhe duhen respektuar nga të gjithë”,-tha Zaçaj./CNA