web counter
LEXO PA REKLAMA!

SHKARKO APP

App Store
Google Play

E fundit!

x

Gara për kreun e BKH-së/ KLP: Procesi drejt fundit, presim emrin që do të komandohet nga SPAK-u

20 Tetor 2025, 16:25, Aktualitet CNA

Gara për kreun e BKH-së/ KLP: Procesi drejt fundit, presim emrin

Kryetarja e KLP-së, Mirela Bogdani ndau sot detaje lidhur me procesin për garën për kreun e ri të Byrosë Kombëtare të Hetimit.

Në fjalën e saj gjatë raportimit në Komisionin e Ligjeve, Bogdani tha se institucioni që ajo drejton është duke pritur nga SPAK që të dërgojë emrin e personit që do të komandohet në këtë detyrë.

Bogdani shtoi se ky proces pritet të mbyllet së shpejti dhe se KLP po vijon me një qasje pasive dhe formale, sikurse përcaktohet edhe në ligj.

“Ne jemi duke pritur nga Prokuroria e Posaçme, nga grupi që është ngritur për këtë qëllim, që të sjellë emrin e personit që do të komandojë sipas ligjit, për ta caktuar KLP-ja si drejtues. Kaq informacion kemi në mënyrë zyrtare.

Besoj se është një proces që do të përmbyllet së shpejti, por nuk di t’ju them një afat kohor,. Ndoshta mund të jetë momenti që Këshilli të tregojë një rol proaktiv lidhur me procedurën e ndjekur, por refeuar nenit 33 të ligjit 35, roli është vetëm formal.

E kemi diskutuar edhe më parë dhe qëndruam në qasjen pasive. Do presim nga SPAK për emrin që do të emërohet në krye të BKH-së”,-tha Bogdani./CNA





Lajmet e fundit nga