E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

KLP “shuplakë” Dhomës së Avokatisë: Nuk duhet të nxitohemi në vendimmarrje

20 Tetor 2025, 16:25, Aktualitet CNA

KLP “shuplakë” Dhomës së Avokatisë: Nuk duhet

Kryetarja e KLP-së Mirela Bogdani ka komentuar reagimin e Dhomës Kombëtare të Avokatisë për rastin e arrestimit të avokatit në Elbasan si dhe pezullimin e seancave gjyqësore.

Sipas Bogdanit nuk duhet të nxitohet në vendimmarrje pa patur një informacion të plotë.

Pjesë nga diskutimet në Komisionin e Ligjeve

Mirela Bogdani: Vendosëm që fillimisht do kërkojmë informacion, kam komunikuar me drejtuesin e prokurorisë dhe më pas do kemi një informacion të shkruar për situatën dhe më pas do vlerësojmë qëndrimin.Nuk mund të shprehemi pa patur një informacion të plotë.

Gjin Gjoni: A mendoni që ndërhyrja duhet të jetë e shpejtë dhe e menjëhershme?

Mirela Bogdani: Unë nuk mendoj se duhet të nxitojmë në vendimmarrje para se të kemi informacionin e plotë. Pjesë e reagimit nga Dhoma Kombëtare e Avokatisë është pjesë e demokracisë dhe mënyrës se si funksionojnë institucionet. Unë mendoj që pa patur informacionin e plotë Këshilli nuk do dalë në një qëndrim.

Gjin Gjoni: A mos ndoshta ju duhet të pozicionoheni qartë?

Mirela Bogdani: Në harkun kohor nesër maksimumi pasnesër do dalim me një qëndrim ose do vendosim që do të kemi një qëndrim apo jo.

E pyetur nga deputeti i PD-së Saimir Korreshi se, pse nuk është bërë takim me Dhomën e Avokatisë për të parë si trajtohet në një seancë pozicioni prokuror-avokat, Bogdani u shpreh:

"Lidhur me bashkëpunimin me Dhomën e Avokatisë, në gjykimin tim duhet të jetë i dyanshëm. Dhoma e Avokatisë është një insitucion privat që vetëmenaxhohet. Kemi pasur pika kontakti por jo bashkëpunim si me KLGJ. Patjetër që është i domosdoshëm bashkëpunimi dhe rivitalizimi i kontakteve. Në të ardhmen do ta kemi në konsideratë takimin me Dhomën e Avokatisë. T'i shtosh dhe kolegjialitetin Këshillit bëhet e pamundur, prandaj dhe komplikohet".

CNA në një qëndrim që mund ta Lexoni Këtu ka zbuluar skenarët e Maks Haxhisë mbi vendimin për të bllokuar seancat gjyqësore, për t’iu vënë në shërbim të kryebashkiakut të shkarkuar me 13 akuza për 5 vepra të rënda penale, Erion Veliaj./ CNA