web counter
LEXO PA REKLAMA!

SHKARKO APP

App Store
Google Play

Rasti i avokatit në Elbasan, Qeleshi: Në seanca mund të ketë debate

20 Tetor 2025, 21:25, Aktualitet CNA

Rasti i avokatit në Elbasan, Qeleshi: Në seanca mund të ketë

Drejtuesja e Shoqatës së Avokatëve Penalistë, Joana Qeleshi ka folur mbrëmjen e sotme lidhur me arrëstimin e avokatit, Ulian Barjami, i cili u lirua pak orë më parë. Qeleshi tha në një dalje televizive, se në seanca gjyqësore mund të ketë dhe debate apo konflikte por shtoi se ka masa të tjera që mund të merren para arrestimit.

"Ishte një ngjarje e çuditshme. Të gjithë e perceptuam se kishte bërë kallëzim prokurori. Sepse oficeri i policisë gjyqësore nuk mund të marrë iniciativë për ndalim. Se mund të ndodhë në një proces të ketë konflikt ose debat. Reagimi i gjykatës dhe prokurorit duhet të jetë shumë i matur. Nëse do kishte elementë të çdo vepre penale, gjykata ose prokurori duhet të kishte bërë kallëzim. Ndalimi ishte i paligjshëm. Ne akoma kemi konceptin se të arreston prokurori, por gjykata është ajo që vendos për masë sigurie.

Ligji thotë se menjëherë oficeri i policisë gjyqësore duhet të lajmërojë prokurorin e gatshëm dhe të thotë se kemi bërë këtë ndalim. Avokati u lirua në limitin e 48 orëve, dhe kjo për faktin se policia gjyqësore nuk ka përcjellë materialet. Në këtë këndvështrim kjo është situatë për të ardhur keq. Duhet të kuptojmë se në seancë avokati do të ketë qëndrim mbrojtës dhe mund të ketë edhe debat. Dhe prokurori mund të tërheqë vëmendjen, ka masa të tjera që merren", tha Qeleshi. /CNA





Lajmet e fundit nga