Gara për Tiranën/ Lubonja: Partitë politike do të "lajnë" duart nëse Binaj humb zgjedhjet

20 Tetor 2025, 19:05, Aktualitet CNA

Gara për Tiranën/ Lubonja: Partitë politike do të

Analisti Fatos Lubonja ka folur lidhur me garën për drejtimin e bashkisë së Tiranës dhe kandidimin e Florjan Binajt. Lubonja ka komentuar mbështetjen e partive opozitare për Binajn, ndërsa tha në News24 se PD ka hequr përgjegjësinë nga vetja, duke mbështetur një kandidat të pavarur.

Gjithashtu ka shtuar se ende nuk dihet se sa do e mbështesin realisht partitë politike Florjan Binajn. Sipas Lubonjës, kandidati për zgjedhjet në Tiranë duhet të kishte ardhur si rezultat i bisedimeve të PD dhe partive të vogla.

“Për të thënë i duhuri duhet ta shoh në kontekst më të gjerë, me të duhur nënkuptoj një kandidat që përfaqëson partitë politike, ndërkohë perceptimi im është problem i përgjegjësisë së partive politike. Bashkohen në heqje përgjegjësie tek zoti Binaj ose partitë e vogla që mendojnë se janë të ndryshme nga PD, tani bashkohen të gjithë te Binaj.

Duken sikur kanë interes për këtë, sdihet sa do e mbështesin realisht, dhe nga ana tjetër interesi më i madh, është i partive politike që lajnë duart nëse humbet Binaj. Binaj do i thotë faleminderit të gjithë, por problemet do të lindin, kush e ka fitoren kush e dha.

Nuk ka shenja për të qenë optimist, që çdo qytetar që takon ankohet për Tiranën dhe ti mendon se kjo frymë ankese do të materializohet, do të shfaqet e do të duket por nuk mendoj se do të jetë kështu. Shoh një shoqëri shumë të nënshtruar ndaj këtij realiteti.

Binaj është përfaqësues i opozitës, sesa e sheh dhe shoqëria civile do shihet, shoqërinë e shoh të topitur. Për mua formula duhet të ishte një bashkim rreth një kandidati që vjen si rezultat i bisedimeve shumë serioze të PD dhe partive të vogla, për problemet e mëdha që ka jo vetëm ky qytet por dhe demokracia në këtë qytet dhe qeverisja në mënyrë demokratike e këtij qyteti. Një nga gjërat që e quaj skandaloze është një pushtet i pavarur që ështe ai lokal, është në komandën e pushtetit qendror.

Lejet e ndërtimit nga kati 5 e lart i ka Edi Rama, ai ka marrë votën e popullit por e vendos ky tjetri. Ka të bëjë shumë formati me të cilën këto parti bashkohen. Fashistizimi i politikës në Shqipëri, ku një pushtet i vetëm kontrollon gjithcka. Është një lloj prirje për të kontrolluar gjithçka, mundësisht të gjitha institucionet. Jo se nuk ishte e kontrolluar Kushtetuesja, por jo më shumë se në kohën e Berishës. Kishte mbetur një person që kishte mendim kundër ishte Sonila, heqja e saj e bën më të dobët reputacionin e gjykatës.", u shpreh Lubonja. /CNA