web counter
LEXO PA REKLAMA!

SHKARKO APP

App Store
Google Play

Raportimi te “Ligjet”/ Manja kritika KLP-së: Do të kemi rezolutë për të gjitha problematikat e punës tuaj

20 Tetor 2025, 18:41, Aktualitet CNA

Raportimi te “Ligjet”/ Manja kritika KLP-së: Do të kemi

Kryetari i Komisionit të Ligjeve, Ulsi Manja ka mbajtur fjalën e tij në fund të raportimit të Këshillit të Lartë të Prokurorisë për veprimtarinë e institucionit për vitin 2024.

Gjatë fjalës së tij, Manja shprehur kritikat për punën e KLP-së dhe tha shtoi se pas raportimit në seancë plenare do të miratohet një rezolutë për të gjitha problematikat e evidentuara te ky institucion.

"Shoh një mungesë vullneti në vlerësimin e përformancës së punës të prokurorëve. Për çfarë e kërkonin mendimin e ekspertëve kur nuk e përdorni për hartimin e drafteve. Duhet t’i vini në ndihmë sistemit të drejtësisë për ta kryer si duhet detyrën e hetimit dhe ndjekjes penale. Kjo është detyra juaj. KLP do duhet të flasë si Këshilli i Lartë i Prokurorisë jo si oaze të shkëputura të një organi kolegjial.

Do të kemi një rezolutë për KLP kur ju të raportoni në seancë plenare. Dhe rezoluta pavarësisht se jemi në vazhdim të vitit 2025, do të gjeni të gjitha problematikat që gjejmë te KLP. Dhe kur të vini vitin tjetër të raportoni duhet të kenë marrë zgjidhje problemi i rregulloreve, i vlerësimit të punës dhe performancës të prokurorëve. Dhe duhet të jetë hapur diga për të operuar me sistemin e karrierës, me emërimin dhe ngritjes në detyrë dhe plotësimin e prokurorive të juridiksionit të përgjithshëm me drejtues. Për momentin këtë proces e ka bllokuar KLP-ja.", u shpreh Manja. /CNA





Lajmet e fundit nga