web counter
LEXO PA REKLAMA!

SHKARKO APP

App Store
Google Play

E fundit!

x

Një vit nga arrestimi i tij/ Meta kërkon shuarjen e masës së sigurisë

21 Tetor 2025, 09:55, Aktualitet CNA

Një vit nga arrestimi i tij/ Meta kërkon shuarjen e masës së

Kreu i Partisë së Lirisë, Ilir Meta, ka paraqitur në Gjykatën e Posaçme kërkesën për shuarjen e masës së sigurisë “arrest në burg”.

Në dokumentin që avokati Kujtim Cakrani ka depozituar në GJKKO thuhet se kërkuesi synon të rrëzojë vendimet e mëparshme të GJKKO-së, përkatësisht nr. 125 dhe nr. 130 të tetorit 2024, si dhe vendimin nr. 59 të nëntorit 2024 të Gjykatës së Apelit të Posaçëm.

Kreu i Partisë së Lirisë, Ilir Meta, u arrestua më 21 tetor 2024. Akuzohet nga Prokuroria e Posaçme për tri çështje korrupsioni; për dosjen e njohur si "CEZ-DIA", për përfitimin e vlerave monetare në këmbim të influencës së ushtruar në favor të një kompanie telekomunikacioni, si dhe për marrëdhënien e dyshuar korruptive me një biznesmen.

Meta akuzohet gjithashtu për kontratat e konsulencës dhe lobimit në Shtetet e Bashkuara të Amerikës, pastrimin e produkteve në blerjen e një shtëpie në Tiranë si dhe mosdeklarimin e shpenzimeve mjekësore për periudhën 2013-2019.

Ndaj ish-presidentit rëndojnë akuzat “Korrupsioni pasiv i funksionarëve të lartë shtetërore ose i të zgjedhurve vendorë” në 3 raste, dy prej të cilave të kryera në bashkëpunim, "Pastrimi i produkteve të veprës penale ose veprimtarisë kriminale" e kryer në bashkëpunim,"Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim".

Nën akuzë për këtë dosje janë edhe ish-bashkëshortja e Ilir Metës, Monika Kryemadhi, Pirro Xhixho dhe Ema Çoku./CNA

 

 

 

 

 





Lajmet e fundit nga