web counter
LEXO PA REKLAMA!

SHKARKO APP

App Store
Google Play

E fundit!

x

Konflikti për aeroportin e Vlorës/ Gazetari ndan detaje: Dy ortakët zihen për aksionet që duhet të kenë në koncesion

20 Tetor 2025, 22:45, Aktualitet CNA

Konflikti për aeroportin e Vlorës/ Gazetari ndan detaje: Dy

Gazetari Klodian Tomorri ka folur mbrëmjen e sotme lidhur me konfliktin mes dy ortakëve për aeroportin e Vlorës. Në një dalje televizive, Tomorri tha se konflikti mes Behgjet Pacollit dhe Valon Ademit është për pjesën e aksioneve që duhet të kenë në koncesion. Sipas tij, Ademi ka thënë se i takojnë 49% të aksioneve.

"Historia është kështu, duket si konflikt civil mes dy aksionerëve, por konflikti është pasojë. Shkaku i vërtetë është tenderi, ka qenë procedurë fiktive. Ishin caktuar disa njerëz që do të merrnin një aeroport. Merret një kompani turke, se nuk plotësoheshin dot letrat, as Pacolli, nuk kishte eksperiencë në menaxhim aeroporti. Morën turkun. Turku erdhi për letrat, pas një viti, iku turku dhe thonë mori 4200 euro për 40% të aksioneve. Një biznes që sipas vetë kallëzimit, në 35 vite do të gjenerojë 770 mln euro të ardhura, gjysma e tij, shitet për 4200 euro.

Konflikti mes të dyve, zihen për pjesën e aksioneve që duhet të kenë në koncesion. Valon Ademi thotë më takojnë 49% të aksioneve, pasi kur u larguan turqit, ka patur para-kontratë noteriale, mes Pacollit dhe Ademit, ku Pacolli shiste 47% të aksioneve, te Ademi. Duke patur para kontratën, zoti Ademi thotë kam bërë pjesën time të investimit, por kur ka ardhur momenti për ta regjistruar kontratën në QKB, sipas Valon Ademit, Pacolli ka ndryshuar rrugë. Pacolli i ka mbajtur të gjitha.

Kur kanë ikur turqit, ia kanë shitur Pacollit dhe ai kishte 58% dhe 40% dhe vajti 98%. Mirëpo, këta thonë pas shitjes nga turqit, mes Pacollit dhe Ademit ka patur para kontratë që këtë 47% do ti merrte Valon Ademi. Ata kanë bërë tre marrëveshje, para kontratë noteriale, më vonë marrëveshje dhe pastaj kontratë noteriale", tha Tomorri. /CNA





Lajmet e fundit nga