web counter
LEXO PA REKLAMA!

SHKARKO APP

App Store
Google Play

Refuzimi për miratimin e gjenocidit serb/ Hasimja: PS ngurron se nuk do të prishë marrëdhëniet me Serbinë

20 Tetor 2025, 21:59, Aktualitet CNA

Refuzimi për miratimin e gjenocidit serb/ Hasimja: PS ngurron se nuk do

Ermal Hasimja tha sot se refuzimi i mazhorancës për të miratuar gjenocidin në Kosovë, është vendim për të mos prishur marrëdhëniet me Serbinë.

I ftuar në News24, Hasimja, nga ana tjetër e cilësoi propozimin e opozitës si lojë dhe shtoi se e dinin që mazhoranca nuk do ta votonte rezolutën. Ai u shpreh gjithashtu se PS duhet ta kishte arsyetuar vendimin për mosmiratimin e rezolutës.

"Ngurrim i së majtës në pushtet për të mos i hedhur në erë ujërat me Serbinë, të cilën e konsideron si partnere në Ballkan. Edhe PD ka patur mundësi të bëjë shumë gjëra, janë miratuar rezoluta të këtij lloji. Ka një gjë për të qenë të ndershëm dhe me të majtën. Kur ti do që të realizohet një rezolutë, zakonisht diskutohen në parlament, sillet një rezolutë e përbashkët, konsiderohet me autorësi të përbashkët dhe miratohet.

Loja ka qenë që ne po ju vëmë juve para detyrimit, një rezolutë që e dimë se s'do e votoni dhe ne dalim pak më shumë patriotë se ju. Meraku që ka patur shumica për të mos krijuar ndonjë lloj reagimi nga bashkësia ndërkombëtare, përpiqet ta relativizojë situatën duke e paraqitur konflikt midis 2 palëve ndërkohë ne e dimë që ajo që ndodhi në Kosovë ishte sulm, genocide. Edhe në Kosovë kanë patur të njëjtën dilemë, e ka dhe Albin Kurti por PS duhet ta sqaronte dhe jo me mbyllje goje, jo të heshte.", tha Hasimja. /CNA

 





Lajmet e fundit nga