“Vetingu është zgjidhje për korrupsionin”/ Suchocka: Reforma në Gjyqësor, ndër detyrat më të vështira

21 Tetor 2025, 11:14, Aktualitet CNA

“Vetingu është zgjidhje për korrupsionin”/ Suchocka:

Presidentja e nderit të Komisionit të Venecias, Hanna Suchocka, tha sot se reforma në Gjyqësor është një prej detyrave më të vështira, jo vetëm në Shqipëri, por në të gjitha vendet postkomuniste.

Në fjalën e saj në konferencën “30 vite partneritet dhe progres: Shqipëria, Këshilli i Europës dhe Komisioni i Venecias”, që u zhvillua në Tiranë, Suchocka u shpreh se Komisioni është përfshirë që në fillim në ndërtimin e bazës ligjore dhe demokratike të vendit.

Suchoka shtoi se procesi i vetingut që ndodh në Shqipëri është përpjekja për një zgjidhje të mirë për korrupsionin.

“Komisioni i Venecias me Shqipërinë ka një histori të gjatë që ka nisur 30 vite më parë që në 1995 për Kushtetutën e Shqipërisë. Kjo tregon që Komisioni i Venecias është përfshirë që në fillim për të ndërtuar bazën ligjore dhe demokratike të vendit.

Reforma në Gjyqësor është një prej detyrave më të vështira, jo vetëm në Shqipëri, por në të gjitha vendet postkomuniste sepse sistemi i tyre i mëparshëm është krijuar nën pushtetin e një partie dhe është e vështirë për të ndryshuar mendësinë se si mund të bëhej që gjyqtarët të jenë të pavarur dhe të krijohet kjo autonomi e Gjyqësorit.

Opinionet e Komisionit të Venecias, ne mund të shohim që një numër i madh i këtyre opinioneve i drejtoheshin Gjyqësorit dhe shiheshin garancitë më të mira për të pasur pavarësinë e Gjyqësorit.

Drejtësia jo vetëm do të bëhet, por edhe të shikohet që është bërë që shoqëria të dallojë me sy që drejtësia është vërtetë e pavarur. Duhen siguruar garanci të reja për ta bërë më të fortë dhe më autonome.

Shqipëria po bën përpjekje për të gjetur një zgjidhje të mirë për korrupsionin përmes procesit të vetingut. Shqipëria ka bashkëpunuar me Komisionin e Venecias për të gjetur zgjidhjet më të mira dhe një nga çështjet është zgjidhja që të çon në shkarkimin e të gjithë gjyqtarëve dhe nuk është pranuar nga Komisioni i Venecias, pasi ka thënë që të zhvillohet vetingu, por jo të shkarkohen të gjithë gjyqtarët, pasi kjo do të krijonte një tjetër problem”,-tha Suchocka./CNA