E fundit!

20:35 Politikë

Rama për projektin e Zvërnecit: Do të jetë krenari për Shqipërinë dhe për Europën

Kryeministri Edi Rama në konferencën ndërqeveritare është ...

Këshilltari global i Dorian Duçkës që fundosi Mirel Mërtirin, në sulm ndaj Altin Dumanit

8 Korrik 2024, 18:51, Aktualitet CNA

Këshilltari global i Dorian Duçkës që fundosi Mirel

Fotomontazh - Dorian Duçka, Altin Dumani dhe Mirel Mërtiri

Gazetaria ka llumin e saj, ka nga ata që i pëlqejnë kanalet e ujërave të zezë, të bëjnë rolin e parimorit dhe më pas të shesin veten, të pasmet dhe gjithçka tjetër për një shuk eurosh.

Kështu ka ndodhur, dhe CNA e ka thënë shpesh, me një këshilltar global që njeh shumë mirë çështjet e Pakistanit, Kazakistanit, Turmekistanit, problematikat e sulmeve të grupeve terroriste “Huthi” apo Palestinën, përplasjen e madhe që po ndodh me Hamasin dhe Izraelin, situatën në Liban deri çështjen Çame në Piqeras apo aty ku ai nuk e di.

Kjo është e vërteta e asaj që ndodh në disa “mostra” mediatikë, të cilët pretendojnë se janë këshilltarë, globalistë, njohës të mirë të politikës për shkak të një sarkazme fodulle apo injorante që përdorin, po që në finale janë shërbëtorë të Duçkave, të skandaleve të McGonigalit, të personave në hetim nga SPAK-u. (Lexo këtu)

SPAK, burimi LSA

Shumë mirë, mund të zgjedhin të bëjnë çfarë të duan, koha po i tregon se të tillë individë këshilluan edhe Mirel Mërtirin, ky i fundit ka përfunduar si mos më keq pas takimeve dhe parave të mëdha që pagoi për këtë farë injorance mediatike, llumi të pështirë banal që qarkullon në errësirat e neverisë mediatike, në shërbim të krimit të organizuar, në shërbim të bandave, grupeve kriminale, në shërbim trafikantëve të drogës e deri tek hajdutët më të mëdhenj në vend, deri tek qelbësirllëku politik. (Lexo këtu)

Ky skandaloz këshilloi Mirel Mërtirin si të bënte luftën mediatike për të shkatërruar SPAK-un dhe prokurorët e tij në betejën kundër korrupsionit të inceneratorëve.

Mirel Mërtiri, burimi CNA

E këshilloi aq mirë Mirel Mërtirin sa po të kishte vazhduar procedurat normale ligjore, mos e kishin grabitur nëpër xhepa dhe mos kishte paguar me miliona euro “Top Channel”, mediat e kazanit e kështu me radhë deri në këta fëlliqësira mediatikë, ndoshta do kishte marrë dënim për Elbasanin, për Fierin dhe Tiranën, ishte zgjedhja e tij të bënte korrupsion apo jo, mendonte se kishte një biznes-plan, i dështoi rrugës, u prish me ortakët e tij, gjeti ortakë të rinj, gjeti financime, nuk mundi dot t’i siguronte, firmosi kontrata u keqpërdor nga Erion Veliaj, e kështu me radhë, do të merrte një dënim dhe ky ishte risku që ai kishte marrë, por në finale rezultoi se thirri në Vjenë vizionarin këshilltar, pasionantin e Dorian Duçkës të hetuar për skandalin McGonigal. (Lexo këtu)

Dorian Duçka në SPAK, burimi LSA

Pas strategjisë së tij mediatike, tashmë Mirel Mërtiri pritet të ketë një super dënim, si grup i strukturuar kriminal dhe për këtë është shqetësuar këshilltari sepse e lexoi në vendimin e gjykatës dhe nuk është aq budalla sa duket, është edhe më shumë. (Lexo këtu)

Ai zgjodhi të sulmojë kreun e SPAK-ut, Altin Dumani, duke keqpërdorur në fakt një koleg siç është Elton Qyno. Janë të tillë, sa në fakt më shumë sesa u zgjidhin punë, e marrin atë llumin që përfaqësojnë dhe e çojnë atje ku i takon.

Kreu i SPAK-ut, Altin Dumani

Mirel Mërtiri është rasti se si një individ, i cili bën një aferë korruptive, mund të merrte ndëshkimin sipas ligjit, por përfundoi atje ku thërret qameti vetëm se u këshillua dhe zgjodhi të paguante të tillë të tillë individë, zgjodhi të paguante para për propagandë mediatike, për të sulmuar SPAK-un, të cilën po e bëjnë edhe sot po në mënyrë më të kamufluar dhe përfundimi është i qartë. Kush u ngatërrua me këtë histori, zhyti kokën atje ku e meritonte. (Lexo këtu)

Tani kanë zgjedhur të keqpërdorin një gazetar, të sulmojnë kreun e SPAK-ut sepse po avancon çështja McGonigal, çështja e inceneratorëve po kalon si grup i strukturuar kriminal dhe të tjerë financues, bashkëpunëtorë, individë të korruptuar, skenaristë dhe aktorë, por edhe këta që duan të fshihen në hije janë më të qartë se kthim pas për të gjithë ata së bashku nuk ka, që nga ndonjë në arrati e deri tek i fundit që vjen vërdall rrugëve të Tiranës. (Lexo këtu)

SPAK, burimi LSA

Në përfundim, në çdo lloj skenari, intrige që përdorin, apo shërbimi kamikaz që bëjnë fëlliqësira të paguara për të tjera intriga, koha po na tregon se po marrin fund. Publikisht kanë marrë me kohë, të gjithë e kuptuan se si shiten kauza, se si ndryshuan krah, se si u keqpërdorën për ca shuka me euro të qelbura, por tani fytyra e tyre e mbushur me pështymat e neverisë është publike, por nuk kanë turp, janë të gatshëm t’u thahet pështyma dhe të marrin të tjera përsipër, thjesht dhe vetëm të bëjnë rolin që kanë zgjedhur, të jenë të pështirë./ CNA