web counter
LEXO PA REKLAMA!

SHKARKO APP

App Store
Google Play

Kërcënoi pronarët në Tropojë/ Rama degjeneron ish-zv.ministrin socialist: E bënte rrumbullak gjumin në zyrë

25 Qershor 2026, 07:23, Aktualitet CNA

Kryeministri Edi Rama ka nxjerrë mesazhet e ish-zëvendësministrit Olti Rrumbullaku, ku, sipas tij, ky i fundit ka kërcënuar pronarët e një bujtine në Tropojë pasi nuk ndajnë të njëjtin mendim për protestat e zhvilluara para Kryeministrisë.

Përmes një postimi Rama tregon se Rrumbullaku në kohën kur ishte zëvendësministër i Arsimit mbyllej në zyrë dhe flinte gjumë.

Ai thekson se Rrumbullakun e larguan nga detyra pasi ishte i padobishëm dhe tani në shenjë “hakmarrjeje” po u tregon “delet e narkotrafikut” dy djemve që, sipas Ramës, "i japin ujë në bisht të lugës".

“RRUMBULLAKTOROLLAK

Djemtë e CHESTNUT HILL-it lart në Tropojë janë dy vëllezër flori, nga një familje e dinjitetshme në një nga majat e atyre maleve kreshnike, ku kanë ngritur një biznes familjar me stërmundim të madh, duke e kthyer shtëpinë e tyre në një destinacion turistik mbresëlënës

“Akademiku” që i ka kërcënuar, se do t’u verë një yll në vlerësimin online, po u “morën me politikë në kohë krize” - pra po nuk u bashkuan në një mendje me të e me dështakët e tjerë lugëndryshkur, që kujtuan se u bë bulevardi kos - ka qenë zëvendës ministër në një prej qeverive socialiste dhe e vetmja gjë për të cilën u dallua, ishte se mbyllej nga brenda në zyrë e bënte rrumbullak gjumin e drekës

Tani ky “akademik” i larguar nga qeveria si i padobishëm për asgjë dhe që paska mbledhur tërë këto vite helmin e mediokrit hakmarrës, i tregon “delet e narkotrafikut” dy djemve që i japin ujë mali në bisht të lugës së ndryshkur, atij dhe tërë sallahanave të kombit, që u kapën rrumbullak pas qafës si flamingove si i mbyturi pas fijes së barit

U kam premtuar kaherë djemve te CHESTNUT HILL-it se do u shkoj për të parë një natë hënën nga afër dhe tani erdhi koha, e nga atje lart do t’i çojmë së bashku një mesazh këtij sojit rrumbullaktorollak, që ta marrë vesh tërë dynjaja se ku është e çfarë është CHESTNUT HILL-i”, shkruan Rama./ CNA





Lajmet e fundit nga