web counter
LEXO PA REKLAMA!

SHKARKO APP

App Store
Google Play

Ja kur jepet masa e sigurisë për gazetarin gjobaxhi Elio Lazaj

15 Shkurt 2026, 20:47, Aktualitet CNA

Ja kur jepet masa e sigurisë për gazetarin gjobaxhi Elio Lazaj

Të hënën në Dhomën Penale të Gjykatës së Shkallës së Parë të Juridiksionit të Përgjithshëm Tiranë do të caktohet masa e sigurisë për gazetarin gjobaxhi, Elio Lazaj.

Sipas informacioneve të CNA, masa do të caktohet në seancën që do të mbahet nesër, datë 16 shkurt, në orën 9:00. Mësohet se gjyqtar i çështjes është Artan Çupi.

Masa e sigurisë për Lazajn vjen pas arrestimit të bujshëm të këtij të fundit, që CNA e raportoi mesditën e së enjtes me detaje ekskluzive.

Elio Lazaj u vu në pranga gjatë operacionit policor të koduar “Portali 1” nga Policia e Tiranës, e kryer në zyrën ky gazetari ushtronte veprimtarinë në flagrancë, pas hetimeve ndaj tij për gjobëvenie të një zyrtari.

CNA siguroi edhe fotot ekskluzive nga zyra e Lazajt gjatë arrestimit, ku u gjet edhe një zarf me shifra të majme.

Elio Lazaj është një gazetar gjobaxhi, që prej vitesh ka vepruar përmes artikujve e shkrimeve fyese e kërcënuese ndaj shumë individëve përmes portaleve të tij dhe njihet edhe si një nga veglat e një biznesmeni të shumëpërfolur për lidhjet e tij me kryebashkiakun e arrestuar të Tiranës, Erion Veliaj.

Ndaj Lazajt tashmë rëndon akuza për “Shtrëngim me anë të kanosjes për dhënie pasurie”, që sipas Kodit Penal, nenit 109/b, rrezikon minimalisht nga dy deri në tetë vite burg./CNA





Lajmet e fundit nga