web counter
LEXO PA REKLAMA!

SHKARKO APP

App Store
Google Play

IGJEUM: Vijojnë reshjet e shiut, rrezik për problematika në zonat urbane

15 Shkurt 2026, 17:41, Aktualitet CNA

IGJEUM: Vijojnë reshjet e shiut, rrezik për problematika në zonat

Instituti i Gjeoshkencave ka ndarë një parashikim lidhur me situatën e motit.

Sipas të dhënave, veç orëve të mbetura të ditës së diel, edhe fillimjava do të shoqërohet me reshje të shumta në të gjithë vendin, teksa në lartësitë mbi 900 metra mbi nivelin e detit parashikon edhe reshje dëbore.

IGJEUM njofton se reshjet mund të krijojnë probleme të ndryshme, si rënie gurësh e inertesh dhe vërshime të ujit nëpër zonat urbane.

Reshjet:

Sot pasdite (e diel, datë 15) dhe nesër (e hënë, datë 16) priten reshje mesatare në qarqet Shkodër, Dibër, Lezhë, Durrës, Tiranë, Elbasan dhe Vlorë, shoqëruar me shtrëngata. Në qarqet e tjerë priten reshje të dobëta deri lokalisht mesatare.

Në Veri, Lindje dhe Jug Lindje të vendit, në lartësitë mbi 900 m nga niveli i detit reshjet pritet të jenë në formë dëbore, më të përqëndruara në Veri të vendit.

Sot psdite dhe nesër, shtrëngatat dhe intensiteti i lartë i reshjeve, mund të krijojnë probleme të ndryshme, si rënie gurësh e inertesh dhe vërshime të ujit në zonat urbane të lokalizuara, në varësi të sistemit të kanalizimeve në qarqet Shkodër dhe Lezhë.

Temperatura:

Nesër temperaturat minimale dhe maksimale të ajrit pritet të arrijnë:

në bregdet: 10 / 13 °C

në vendet e ulëta: 8 / 13 °C

në vendet malore: -2 / 5 °C

Era:

Sot pasdite dhe nesër era pritet të fryjë e lehtë deri mesatare, për momente të shkurtra deri e fortë kryesisht në bregdet.

IGJEUM: Vijojnë reshjet e shiut, rrezik për problematika në zonat

 

 

 

 

 

 

 

 





Lajmet e fundit nga