web counter
LEXO PA REKLAMA!

SHKARKO APP

App Store
Google Play

E fundit!

x

"Do jetë më intensive në të gjitha format"/ Këlliçi jep detaje për protestën e 20 shkurtit

14 Shkurt 2026, 22:36, Aktualitet CNA

"Do jetë më intensive në të gjitha format"/

Deputeti i Partisë Demokratike, Belind Këlliçi ka folur mbrëmjen e sotme lidhur me protestën e ardhshmë kombëtare që do të zhvillohet më datë 20 shkurt dhe kërkesat e opozitës.

Në një dalje televize, Këlliçi tha se opozita kërkon një qeveri teknike me afat 1-vjeçar për të garantuar çmontimin e sistemit të patronazhimit në administratën publike.

"Formula e vetme, apo opsioni i vetëm që PD-ja pranon dhe opozita pranon, jo vetëm PD-ja, është një qeveri teknike, 6 mujore minimalisht apo 1 vjeçare, për të garantuar çmontimin njëherë të të gjithë këtij sistemit të patronazhimit, që shkon administrata publike në punë vetëm për të punuar ditën e zgjedhjeve. Punohet që njëherë në dy vjet të vidhen zgjedhjet. S’ka rëndësi performanca e punës. Duke vendosur teknokratë, duke çmontuar kreun, sepse i gjithë sistemi kapet nga koka dhe mbahet dhe garant është koka, i cili është Edi Rama, prandaj sot janë bërë irrelevant emrat që ikin dhe vijnë. Është një njeri, një individ, one man shoë, është Edi Rama. Nuk do dhunohen punonjësit nga ministri dhe drejtori që ose sillni 5 karta identiteti për të votuar për PS ose do ikin nga puna. Nëse kjo do ndodhë do flakariten të gjithë", tha deputeti demokrat.

Këlliçi tha ndër të tjera se protesta e 20 shkurtit do të jetë më intensive se ajo e të martës, në të gjitha format. Ai shtoi më tej se njerëzit janë më të motivuar për protestën e radhës dhe tha se kërkojnë radikalizim të aksionit të PD-së.

“Do jetë protestë edhe më intensive se ajo e datës 10 shkurt, në të gjitha format, logjistike, organizative dhe reaguese. Kaq mund të them. Njerëzit s’janë lodhur, përkundrazi, janë më kërkues ndaj nesh, dhe janë më të motivuar për të ardhur në protestën e radhës. Kërkojnë radikalizim tonin. Radikalizimi do të ndodhë edhe në protestë, ua garantoj, do të ndodhë edhe në sallën e Parlamentit, do të ndodhë edhe në Këshillin e Rregulloreve dhe Mandateve, kudo ku ne kemi mundësi, do të ndodhë”, tha Këlliçi. /CNA





Lajmet e fundit nga