web counter
LEXO PA REKLAMA!

SHKARKO APP

App Store
Google Play

"Projekti TID nuk ndalet"/ Rama: Banorët do të shpronësohen, do të shohim referencat e reja

14 Shkurt 2026, 13:12, Aktualitet CNA

"Projekti TID nuk ndalet"/ Rama: Banorët do të

Ka përfunduar takimi i kryeministrit Edi Rama me banorët e Durrësit, të cilët protestojnë për projketin TID.

Në një dalje për mediat, Rama është shprehur se ka arritur dakordësia se si do të ecet para qoftë me verifikimin e nevojshëm për disa objekte që mund të kenë vlera të trashëgimisë kulturore.

Ai theksoi se prishje do të ketë, projekti nuk do të ndalet, por duhet një verifikim për disa shtëpi që mund të kenë vlerë kulturore.

Rama nënvizoi që janë edhe disa prona që nuk kanë marrë hipotekë, edhe pse janë atje prej kohësh.

Po ashtu, kryeministri tha se banorët do të shpronësohen dhe do të shihen referencat e reja.

“Me 34 qytetarë të Durrësit përfaqësues të familjeve kemi folur rreth 2 orë e gjysmë. Biseda ka qenë konstruktive, me opinione të ndryshme. 35 të tjerë atje që nuk përfaqësojnë qytetarët apo qytetin, por vetëm hallin e një 80 e kusur vjeçari, krijojnë situata që janë qesharake e që tregojnë ku është katandisur ajo farë partie. Sa i përket problemit të vërtetë, ramë dakord se si do të ecim para qoftë me verifikimin e nevojshëm për disa objekte që mund të kenë vlera të trashëgimisë kulturore. Prishje do të ketë, projekti nuk do të ndalet, por duhet të një verifikim për disa shtëpi që mund të kenë vlerë kulturore. Janë edhe disa prona që nuk kanë marrë hipotekë, edhe pse janë atje prej kohësh.

Banorët do të shpronësohen, do të shohim referencat e reja”, ka theksuar ai./ CNA





Lajmet e fundit nga