web counter
LEXO PA REKLAMA!

SHKARKO APP

App Store
Google Play

E fundit!

x

Hetime 3 mujore nga Prokuroria e Kukësit/ Arrest për 3 shtetas për kokainë

13 Shkurt 2026, 17:01, Aktualitet CNA

Hetime 3 mujore nga Prokuroria e Kukësit/ Arrest për 3 shtetas

Prokuroria e Kukësit, në përfundim të hetimeve disamujore, ka çuar në arrestimin e 3 personave të dyshuar për ‘Prodhim dhe shitje të lëndëve narkotike’.

Vendimi u mor për tre shtetasit, A.I., E.K. dhe H.E. pas një operacioni që çoi në sekuestrimin e 459 gr kokainë.

Njoftimi:

Pas një hetimi tre mujor të Prokurorisë pranë Gjykatës së Shkallës së Parë të Juridiksionit të Përgjithshëm, Kukës, në bashkëpunim me strukturat e hetimit të krimeve në Drejtorinë Vendore të Policisë dhe Forcën e Posaçme Operacionale të Drejtorisë së Përgjithshme të Policisë Shtetit, u mundësua arrestimi i tre shtetasve, A.I., E.K. dhe H.E.

Arrestimi u realizua në kuadër të hetimeve të realizuara me metoda speciale mbi procedimin penal nr.677, të vitit 2025 regjistruar për veprën penale ‘Prodhimi dhe shitja e lëndëve narkotike’, parashikuar nga neni nr.283 i Kodit Penal.

Gjatë procedimit me blerje të stimuluar, u sekuestruan 12.5 gramë lëndë e dyshuar kokainë dhe gjatë operacionit të sotëm u gjet dhe sekuestrua 459 gramë lëndë e dyshuar kokainë.

Hetimet vijojnë për dokumentimin e veprimtarisë kriminale në drejtim të identifikimit të personave të tjerë të përfshirë./CNA

Hetime 3 mujore nga Prokuroria e Kukësit/ Arrest për 3 shtetas

 





Lajmet e fundit nga