E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Vendimi i Kushtetueses për Ballukun/ Balla: Rezultati duhet të ishte 8-0

12 Shkurt 2026, 22:30, Aktualitet CNA

Vendimi i Kushtetueses për Ballukun/ Balla: Rezultati duhet të ishte

Kreu i Grupit Parlamentar të PS, Taulant Balla ka komentuar në një emision vendimin e Gjykatës Kushtetuese për padinë e kryeministrit Edi Rama kundër pezullimit nga detyra të zëvendëskryeministres Belinda Balluku.

Balla theksoi se vendimi i gjykatës ka përfunduar me rezultatin 4 me 4, çka sipas tij përbën një “mosvendim” dhe nuk krijon jurisprudencë të detyrueshme. Sipas Ballës, vendimi në këtë rast duhet të ishin 8-0.

Ai shtoi se gjyqtarët janë ndarë për mënyrën e zgjidhjes së shkeljes: katër kanë propozuar që të vendosë vetë Gjykata, ndërsa katër të tjerë kanë kërkuar ndërhyrje nga ligjvënësi.

Ai nënvizoi gjithashtu se vendimet e Kushtetueses tregojnë se PS dhe kryeministri Edi Rama nuk kanë kontroll mbi drejtësinë.

“Sa i përket vendimeve të Gjykatës Kushtetuese, janë shembulli më i mirë për të dëshmuar, se PS dhe Edi Rama nuk kanë asnjë kontroll siç pretendohet mbi drejtësinë. Fakti është që në dy, një propozimi të qeverisë, për dicka që nuk kishte aspak natyrë politike, ishte kërkesë e një natyre për të kthyer normalitet në Bashkinë Tiranë, në kushtet që ishte shkelur i njëjti nen për të cilin do flasim pak më vonë. Pse e them këtë? Sepse thuhet që të zgjedhurit, nuk mund të pezullohen.

Pyetja është Erion Veliaj prej një viti ka qenë në detyrë apo i pezulluar. Nuk ka qenë në detyrë. Nëse do e kishim respektuar në frymë Kodin, sa kohë që i zgjedhuri ka një kontratë me qytetarët duhet të ishte në detyrë. Po flas de facto, se kur Kushtetuesja thotë Veliaj në detyrë, Erion Veliaj sot është në burg. Kthehemi te pjesa tjetër, te vendimi i Gjykatës Kushtetuese që është lënda kryesore për të cilën do doja të më linit pak mundësi ta sqaroj si duhet.

Vendimet e Kushtetueses, janë të përcaktuara të merren me 5 anëtare, mund të jesh edhe 4 me 3 po nuk ka vendim. Duhet të jenë 6 anëtarë në mbledhje, edhe pse t’iu them të drejtën si normë kjo është një normë e vjetër. Ndërkohë që në normat e reja që ne kemi futur në koncept në institucionet e tjera, do kishte qenë mirë që në rastin e një vakance vota e kryetarit të numërohej.

Pra, ligjvënësi duhet të kishte parashikuar një mekanizëm zhbllokues edhe pse Kuvendi duhet të mbajë një përgjegjësi për vonesën që ka krijuar prej 2 vitesh në zëvendësimin e mandatit të znj. Toska, që ka dhënë dorëheqjen. Është një gabim..

E kam thënë publikisht dhe do e them edhe sot, unë nuk e di dhe nuk dua të hy fare, kemi një rregull këtu që është ligj për ne që ne nuk i komentojmë vendimet e Kushtetueses, por po ua them, që ky rast është një ndër ato që ky duhet të ishte 8 me 0 sepse vetë gjykatësit e kanë pranuar mendimin e tyre në atë që kanë publikuar, 4 thonë ka shkelje por duhet ta zgjedhim ne, 4 të tjerë thonë ka shkelje por duhet ta zgjedhë ligjvënësi kushtetues.

Gjykata Kushtetuese ka patur të gjitha mundësitë që të thoshte: Po, ministri nuk mund të pezullohet por ne nuk morëm dot vendim për mënyrën si zgjidhet kjo çështje. Sepse 4 thanë hajt ta zgjidhim ne me jurisprudencën tonë, dhe 4 thanë ta zgjedhë kuvendi me ndërhyrje në legjislacion. Këtë kanë thënë! Dhe do thoni ju, po mirë ca do bëni ju? Sepse ka një vendim pa vendim, ka një mosvendim.

Mosvendimi nuk ka krijuar jurisprudencë. Pra, nuk jemi në kushtet që ne duhet të marrim një vendim të Gjykatës Kushtetuese për ta zbatuar se është mosvendim. Por, ne përsëri në gjetjet e anëtarëve të Gjykatës Kushtetuese ata që paguhen me taksat e popullit shqiptar si ajka e gjyqësorit në Republikën e Shqipërisë, përsëri aty shohim që po shiko, këta nuk e morën përgjegjësinë”, tha Balla.