web counter
LEXO PA REKLAMA!

SHKARKO APP

App Store
Google Play

E fundit!

x

Ka mbajtur disa detyra të rëndësishme/ Kush është kryeinspektori i ri i IKMT-së

12 Shkurt 2026, 17:43, Aktualitet CNA

Afrim Qendro është emëruar nga kryeministri Edi Rama në krye të Inspektoratit Kombëtar të Mbrojtjes së Territorit (IKMT), duke zëvendësuar në këtë detyrë Dallëndyshe Bicin.

Ai merr drejtimin e institucionit pas një karriere të gjatë në administratën publike dhe në strukturat drejtuese të pushtetit vendor e qendror.

Ka mbajtur disa detyra të rëndësishme/ Kush është

Së fundmi, Qendro mbante postin e Prefektit të Qarkut Tiranë, detyrë nga e cila u largua pas emërimit si Kryeinspektor i IKMT-së.

Përgjatë viteve, ai ka mbajtur një sërë funksionesh të rëndësishme, duke ndërtuar një profil të konsoliduar në fushën e administrimit publik dhe menaxhimit institucional.

Në angazhimin e tij politik, Qendro ka qenë koordinator elektoral i Partisë Socialiste në qarqet Tiranë dhe Vlorë, si dhe anëtar i Asamblesë Kombëtare të PS-së, ku është renditur ndër më të votuarit në Asamblenë e Tiranës.

Karriera e tij përfshin poste drejtuese si drejtues i Ndërmarrjes Nr. 1 në Bashkinë e Tiranës, drejtues i Inspektoratit Ndërtimor të Tiranës, drejtues i Autoritetit Rrugor Shqiptar, nënkryetar i Bashkisë së Vlorës dhe, së fundmi, Prefekt i Qarkut Tiranë.

Me këtë eksperiencë të gjerë në administratë dhe në sektorin e infrastrukturës e territorit, Afrim Qendro merr tashmë drejtimin e IKMT-së, një institucion kyç në kontrollin dhe zbatimin e ligjshmërisë në fushën e ndërtimit dhe mbrojtjes së territorit. /CNA





Lajmet e fundit nga