web counter
LEXO PA REKLAMA!

SHKARKO APP

App Store
Google Play

E fundit!

x

Rritje shqetësuese e rasteve të shfrytëzimit seksual të të miturve në internet/ Apeli i Policisë së Shtetit

13 Shkurt 2026, 11:56, Aktualitet CNA

Rritje shqetësuese e rasteve të shfrytëzimit seksual të

Në kuadër të Javës së Internetit të Sigurt, Policia e Shtetit, përmes Drejtorisë së Hetimit të Krimit Kibernetik, bën thirrje për më shumë vëmendje ndaj sigurisë online të fëmijëve.

Sipas të dhënave gjatë vitit 2025 janë raportuar 5 707 raste të shfrytëzimit seksual të të miturve në internet, ose rreth 475 raste në muaj. Vetëm në janar 2026 janë regjistruar 655 raporte, duke treguar një rritje të ndjeshme të fenomenit.

Policia e Shtetit apelon tek prindërit dhe kujdestarët që të:

Monitorojnë aktivitetin online të fëmijëve;

Të flasin hapur me ta mbi rreziqet e internetit dhe mbrojtjen e të dhënave personale;

Të përdorin mjete kontrolli dhe masa sigurie në pajisjet elektronike.

Po ashtu, qytetarët apelohet të ruajnë privatësinë e fëmijëve dhe të mos shpërndajnë materiale të papërshtatshme. Materialet e tilla identifikohen nga NCMEC, dhe të dhënat e shpërndarësve i referohen Policisë së Shtetit për ndjekje ligjore.

Mbrojtja e fëmijëve në internet është përgjegjësi e përbashkët, dhe vetëm me bashkëpunim ndërmjet institucioneve, prindërve dhe komunitetit mund të sigurohet një përdorim më i sigurt i internetit për çdo fëmijë.

Policia e Shtetit 

Në kuadër të Javës së Internetit të Sigurt dhe me rastin e ditës së fundit të kësaj jave ndërgjegjësuese, Policia e Shtetit, nëpërmjet Drejtorisë së Hetimit të Krimit Kibernetik, dëshiron të përcjellë një apel të rëndësishëm për të miturit, prindërit dhe kujdestarët. 

Nga të dhënat e përfituara nëpërmjet bashkëpunimit me NCMEC (National Center for Missing & Exploited Children - Qendra Kombëtare për Fëmijët e Zhdukur dhe të Shfrytëzuar), një organizatë amerikane që bashkëpunon me agjencitë ligjzbatuese në mbarë botën, për identifikimin dhe raportimin e materialeve me përmbajtje të shfrytëzimit seksual të të miturve në internet, rezulton një rritje shqetësuese e rasteve të raportuara.

Gjatë vitit 2025, Policia e Shtetit ka marrë 5 707 raporte të referuara nga NCMEC, që përkthehet në një mesatare prej rreth 475 raportesh në muaj. Ndërkaq, vetëm gjatë muajit janar të vitit 2026 janë administruar 655 raporte, duke treguar një rritje të ndjeshme të fenomenit. 

Në këtë kuadër, Policia e Shtetit apelon për prindërit që:

•      Të monitorojnë dhe të jenë të vëmendshëm ndaj aktivitetit online të fëmijëve të tyre;

•      Të komunikojnë hapur me ta, mbi rreziqet e internetit dhe rëndësinë e mbrojtjes së të dhënave personale;

•      Të përdorin mjete kontrolli dhe masa sigurie në pajisjet elektronike. 

Njëkohësisht, apelojmë fuqimisht që prindërit dhe çdo qytetar të ruajnë privatësinë dhe intimitetin e fëmijëve të mitur, duke mos shpërndarë apo ripostuar materiale të papërshtatshme. Këto përmbajtje identifikohen nga NCMEC, përmes teknologjive të specializuara, dhe të dhënat e poseduesve apo të shpërndarësve të tyre, i referohen Policisë së Shtetit, për ndjekje të mëtejshme ligjore.

Mbrojtja e fëmijëve në hapësirën digjitale është përgjegjësi e përbashkët. Vetëm nëpërmjet bashkëpunimit ndërmjet institucioneve, prindërve dhe komunitetit, mund të garantojmë një përdorim më të sigurt të internetit, për çdo fëmijë.





Lajmet e fundit nga