web counter
LEXO PA REKLAMA!

SHKARKO APP

App Store
Google Play

13 vite si Sekretar i Ramës në Kryeministri/ Kush është Engjëll Agaçi

13 Shkurt 2026, 19:40, Aktualitet CNA

13 vite si Sekretar i Ramës në Kryeministri/ Kush është

Këtë të premte u largua nga detyra Sekretari i përgjithshëm i Kryeministrisë, Engjëll Agaçi.

Agaçi u emërua në këtë detyrë më 15 shtator të vitit 2013, duke ushtruar kështu këtë funksion për rreth 13 vite me radhë.

Agaçi u lind në Fier, më 15 Shkurt 1969.

Është diplomuar në Fakultetin e Drejtësisë në Universitetin “Tor Vergata”, në Romë, ku edhe ka ushtruar për shumë vite profesionin e Avokatit.

Në vijim ka qënë kërkues shkencor në të Drejtën Ndërkombëtare Publike të Krahasuar, duke e finalizuar me përfundimin e doktoraturës në Universitetin “La Sapienza” në Romë, ku dhe ka përfituar titullin Doktor Shkencash.

Më 17 Tetor 2015, Këshilli i Përgjithshëm i Akademisë Norman (Norman Academy) në Itali, i ka akorduar titullin honorifik “Akademik Nderi”.

Më 02 Qershor 2023, Presidenti i Republikës së Italisë, SHTZ. Sergio Mattarella, i ka akorduar titullin “Kalorës I Meritës së Republikës së Italisë”.

Agaçi lidhur me SPAK dhe Inceneratorët 

Agaci është një ndër zyrtarët e thirrur në SPAK për disa çështje, mes atyre afera e inceneratorëve dhe AKSHI-t.

Agaçi ka dhënë edhe një dëshmi në Komisionin Parlamentar të ngritur për hetimin e Inceneratorëve.

Ëngjëll Agaçi deklaroi se Vendimi i Këshillit të Ministrave për financimin e inceneratorit të Elbasanit, nuk është miratuar sipas propozimit të Lefter Kokës.

Agaçi u shpreh se financimi nuk është rezultat i procedurës së inicuar nga ish-Ministri i Mjedisit Lefter Koka, por rezultat i një procedure tjetër, edhe pse për këtë procedurë “të re”, nuk u prezantua asnjë relacion paraprak apo komunikim ndërministror.

Agaçi u paraqit edhe në SPAK lidhur me çështjen, ku qëndroi për rreth tre orë ndërsa pas daljes nga ambientet e Prokurorisë së Posaçme deklaroi se ishte thirrur atje për inceneratorin e Tiranës.

“U thirra për inceneratorin e Tiranës. Mendoj se ky nuk duhet të përbëjë një lajm, të gjithë duhet të jemi në dispozicion dhe funksion të organeve të drejtësisë”, u shpreh Agaçi./CNA

 





Lajmet e fundit nga