web counter
LEXO PA REKLAMA!

SHKARKO APP

App Store
Google Play

E fundit!

x

Erald Kapri në Bruksel, vlerëson figurën e Llazar Fundos: Ideator thelbësor i Bashkimit Europian

14 Shkurt 2026, 16:41, Aktualitet CNA

Erald Kapri në Bruksel, vlerëson figurën e Llazar Fundos: Ideator

Deputeti Erald Kapri ka vlerësuar figurën e intelektualit të shquar Llazar (Zai) Fundo, teksa ndodhet ndodhet në Parlamentin Europian, në godinën e Altiero Spinellit. Ky i fundit, një ideator i Bashkimit Europian, pas internimit nga Italianët u njoh në burgun e Ventotenes me intelektualin shqiptar, Llazar (Zai) Fundo.

Ndërsa shprehet se Spinelli e kujton Llazar (Zai) Fundon, me mjaft dashamirësi, Kapri shprehet se ata së bashku krijuan dhe themeluan idenë për Europën e së ardhmes. Deputeti thekson se intelektualët shqiptarë, veçanërisht Llazar (Zai) Fundo, ka një konribut thelbësor, në atë që njihet sot si Bashkimi Europian.

“Këtu në Parlamentin Europian, në godinën e Spinellit. Një nga ideatorët e Bashkimit Europian. Altiero Spinelli ndodhej në vitet ’40 në burgun e Ventoternes në Itali, i internuar nga fashistët. Aty u njoh edhe me shumë intelektualë shqiptarë. Mes tyre ishte edhe Llazar Fundo, të cilin Spinelli e kujton me mjaft dashamirësi në kujtimet e veta. Së bashku ata diskutuan, krijuan, themeluan dhe hodhën idenë për Europën e së ardhmes, e cila do të ishte një Europë e bashkuar, një Europë demokratike dhe që më vonë lindi Bashkimi Europian. Kështu që edhe shqiptarët, veçanërish intelektualët tanë si Llazar Fundo kanë një kontribut thelbësor, në atë që njihet sot si projekti më i madh i Europës: Bashkimi Europian”, shprehet Kapri në videon e postuar në rrjete sociale.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Në postimin e tij thuhet po ashtu se historia e Llazar (Zai) Fundos është një kujtesë e çmimit që kanë paguar shumë shqiptarë për lirinë e mendimit.

“Altiero Spinelli dhe Llazar Fundo u njohën bashkë në burgun e Ventotenes, aty ku idetë për një Europë më të lirë dhe më të bashkuar morën formë mes njerëzve që sfidonin diktaturat. Spinelli do të bëhej një nga arkitektët e projektit europian, ndërsa Fundo, do të përballej më vonë me represionin komunist, duke u torturuar dhe vrarë me urdhër të Enver Hoxhës. Historia e tij është një kujtesë e çmimit që kanë paguar shumë shqiptarë për lirinë e mendimit. Të njohësh këtë lidhje do të thotë të kuptosh se rrënjët e Europës janë edhe histori personale, ide dhe sakrifica”, thuhet në postimin e plotë të deputetit Erald Kapri. /CNA





Lajmet e fundit nga