web counter
LEXO PA REKLAMA!

SHKARKO APP

App Store
Google Play

E fundit!

x

“Duam një Aleancë që ngrihet me guxim drejt së ardhmes”/ Ambasada e SHBA-së në Tiranë ndan mesazhin e Sekretarit Rubio

14 Shkurt 2026, 18:24, Aktualitet CNA

“Duam një Aleancë që ngrihet me guxim drejt së

Ambasada amerikane në Tiranë ka ndarë një mesazh të Sekretarit të Shtetit në SHBA, Marco Rubio nga fjalimi i tij në Konferencën e Sigurisë në Mynih.

Rubio foli në Mynih lidhur me partneritetin SHBA-Europë, ku theksoi se duhet një aleancë e ngritur më guxim drejt se ardhmes. Po ashtu u shpreh se duhet një aleancë e gatshme të mbrojë popujt, të ruajë interesat dhe të mbrojë lirinë e veprimit.

Postimi i plotë: 

“Ne duam një Aleancë që ngrihet me guxim drejt së ardhmes. Dhe e vetmja frikë që kemi është frika nga turpi që nuk i lëmë kombet tona më krenare, më të forta dhe më të pasura për fëmijët tanë. Një Aleancë e gatshme të mbrojë popujt tanë, të ruajë interesat tona dhe të mbrojë lirinë e veprimit që na lejon të formësojmë vetë fatin tonë” - Sekretari i Shtetit në Konferencën e Sigurisë në Mynih.

Kujtojmë se gjatë Konferencës së Sigurisë në Mynih, Sekretari Amerikan i Shtetit, Marco Rubio, tha se SHBA-ja dhe Europa i përkasin njëra-tjetrës. Ndërsa vlerësoi rëndësinë historike të një aleance të fortë SHBA-Europë, ai gjithashtu e bëri të qartë se administrata Trump beson se rruga përpara kërkon një ndryshim në mënyrën se si këto vende punojnë së bashku.

Administrata Trump ka theksuar se Europa duhet të marrë më shumë përgjegjësi për mbrojtjen e saj kundër kërcënimeve rajonale, në vend që të mbështetet kaq shumë në ndihmën amerikane. /CNA





Lajmet e fundit nga