E fundit!

12:36 Politikë

“Ehu, muhabet l*shi”/ Manja dhe Gjiknuri, përplasje në mbledhjen e Komisionit të Ligjeve

Mbledhja e zhvilluar këtë të martë në Komisionin për Çësht...

Liturgjia Hyjnore/ Mitropoliti i Elbasanit, Andoni: Nëse në veprat tona të mira nuk ka dashuri, ato nuk vlejnë

15 Shkurt 2026, 10:36, Aktualitet CNA

Mitropoliti i Elbasanit Andoni ka drejtuar sot Liturgjinë Hyjnore në Katedralen “Ngjallja e Krishtit” në Tiranë. Gjatë fjalës së tij, Hirësia e Tij, Andoni ka dhënë rëndësinë që kanë mesazhet e Ungjillit në jetën tonë.

Mitropoliti tha se nëse në veprat tona të bamirësisë dhe mirësisë nuk ka dashuri atëherë ato nuk vlejnë. Hirësia e Tij u shpreh se nëse ne nuk if alim mëkatet të tjerëve, as Zoti nuk i fal mëkatet tona. Ai theksoi se nëse në veprimet tona nuk ka dashuri, kjo do të thotë se besimi ynë te Zoti është i vakët dhe i pakët.

“Në ungjillin e sotëm është caktuar të lexohen ato fjalë të Zotit që bëjnë fjalë për gjyqin e fundit. Zoti na e paraqet ditën e fundit të gjyqit me ngjyra të gjalla. Ai na thotë që kur të vijë koha, biri i njeriut do të zbresë me lavdi bashk me engjëjt. Zoti është duke folur për ditën e fundit të kësaj botë siç e njohim neve. Zoti e ka bërë të qartë, se ditën e fundit të kësaj bote, askush nuk mund ta dijë. Ai ju thotë apostujve se këtë e di vetëm Ati që është në qiell.

Zoti na ka paralajmëruar që duhet të vigjilojmë dhe të jemi punëtorë të rregullt çdo ditë, jo si ata që e kalojnë kohën duke e shpërdoruar atë, me idenë që Zoti do të vonojë për të ardhur. Siç thotë vetë Ai, do të vijë në atë orë kur askush nuk e pret. Kur Zoti të vijë do t'i ndajë njerëzit në dy grupe: delet që janë të mbarë e të urtë dhe gjithashtu janë ata që Ai i krahason me dhitë, që shpeshherë është vështirë t’i mbledhësh, për këtë arsye janë njerëzit e ligj që thuhen në Ungjill. Kur flaism për bveprat e mira që duhet të bëjmë, menjëherë na shkon mendja që nuk jemi të shpëtuar për veprat e mira që bëjmë. Nëse do të bënim shumë gjëra, do të jepnim gjithë pasurinë tonë, ndoshta edhe trupin tonë ta hidhnim në flakë, nuk do të na vlente. Ai thotë se të gjitha këto nuk do të vlejnë nëse nuk ka dashuri. Zoti është i vetmi shpëtimtar. Zoti do të ketë një gjyq në fund fare për secilin nga ne. Në fund fare është gjyqi i dashurisë. Ai e thotë shumë thjeshtë, ata që më kanë dashur dhe janë kujdesur për mua, duke e krahasuar veten më çdo njeri në nevojë, për ne është Zoti Krisht. Shpesh herë i afërmi ynë mund të bëhet ferri ynë. Megjithatë Zoti na ka vendosur një kriter nëse besimi ynë është i gjallë apo jo. Zoti na e bën të thjeshtë për të testuar besimin tonë. Rruga në parajsë kalon nga i afërmi ynë. Nëse unë e urrej të afërmin tim, dhe nuk i falim mëkatet të tjerëve, as Zoti nuk do n ai falë mëkatet. Nëse në veprimet tona nuk ka dashuri, besimi ynë mund të jetë i vakët dhe aq i pakët sa nuk na shpëton dot”, u shpreh Hirësia e Tij, Andoni. /CNA