web counter
LEXO PA REKLAMA!

SHKARKO APP

App Store
Google Play

Zgjedhjet në degën e PD-së në Lezhë/ Të njëjtët emra në garë për drejtimin

15 Shkurt 2026, 11:07, Aktualitet CNA

Zgjedhjet në degën e PD-së në Lezhë/ Të

Dega e Partisë Demokratike në Lezhë po zhvillon garën për përzgjedhjen e kryetarit të ri. Në këtë proces konkurrojnë tre emra që kanë garuar për këtë post edhe më herët. Donika Ndoj, Salvador Kaçaj dhe Paulin Marku, kanë paraqitur platformat e tyre për drejtimin e degës lokale.

Sipas të dhënave zyrtare, rreth 4 mijë anëtarë me të drejtë vote janë thirrur për të marrë pjesë në votim. Pjesëmarrja pritet të jetë e lartë, ndërsa strukturat organizative kanë marrë masa për mbarëvajtjen e procesit, duke synuar transparencë dhe standarde demokratike.

Deputeti i PD-së, Gjin Gjoni, është shprehur se pas përfundimit të këtij procesi do të nisë një fazë e re riorganizimi në degën e Lezhës. Sipas tij, zgjedhja e kryetarit të ri do të pasohet nga ristrukturimi i plotë i forumeve dhe seksioneve, me objektiv forcimin e partisë në terren dhe përgatitjen për sfidat elektorale që priten në zgjedhjet e ardhshme vendore.

"Pas një procesi të gjatë ku kandidatët kanë zhvilluar një fushatë te gjatë intensive në lidhje me zgjedhjet pëe kryetar te PD në Lezhe. Sot ka nje interes të jashtëzakonshëm për të votuar. Presim që proçesi te shkoje mirë dhe të ketë një garë të drejtë. I urojmë fitorën atij që demokratët duan. Por le të shërbejë kjo ditë edhe si një frymëzim për protestën e datës 20 shkurt.Është një garë brenda llojit por ne luftën e vërtetë e kemi me PS dhe Edi Ramën pasi kemi qeverinë më të korruptuar në botë ndaj duhet mobilizim", shprehet Gjoni.

Procesi konsiderohet një hap i rëndësishëm për konsolidimin e strukturave të PD-së në Lezhë dhe për rifreskimin e drejtimit lokal në prag të angazhimeve të reja politike. /CNA





Lajmet e fundit nga