web counter
LEXO PA REKLAMA!

SHKARKO APP

App Store
Google Play

Dita Botërore e Kancerit Pediatrik/ Ministria: Të mos neglizhohen kontrollet rutinë te fëmijët

15 Shkurt 2026, 16:23, Aktualitet CNA

15 shkurti njihet edhe si Dita Botërore e Kancerit Pediatrik. Me këtë rast, Ministria e Shëndetësisë ka ndarë një apel për diagnostikim të hershëm, ndjekje të specializuar dhe trajtim në kohë, si vendimtarë për rritjen e shanseve për shërim dhe përmirësimin e cilësisë së jetës së fëmijëve të prekur.

Mjeka onkohematologe pranë QSUT-së, Mirela Xhafa, apelon për rritjen e vëmendjes ndaj çdo shenje apo simptome të referuar nga fëmijët, duke theksuar rëndësinë e reagimit të menjëhershëm nga prindërit dhe profesionistët e shëndetit.

Dita Botërore e Kancerit Pediatrik/ Ministria: Të mos neglizhohen

“Sigurisht që s'mjafton kjo ditë, madje nuk mjafton as muaji shtator, që është muaji i ndërgjegjësimit kundër kancerit pediatrik, ndërkohë që ne këtu aktualisht luftojmë çdo ditë, çdo orë me këto patologji.

Forma më e shpeshtë është kanceri i gjakut, pra leuçemia akute. Në vend të dytë janë tumoret e trurit, janë limfomat dhe 15% që mbetet janë tumore të tjerë.

Në disa raste mundet të ndodhë që të jenë shenja të përgjithshme. Prandaj themi vlerësimin në kohë; jo vetëm të shkohet të paraqitet kur ka simptoma, por edhe në vizitat rutinë. Ato vizitat pediatrike nuk duhen neglizhuar me idenë që jemi para një viroze apo para një infeksioni. Ndërkohë, kur vijnë e paraqiten pastaj tek ne, sëmundja ka avancuar. Përveç temperaturës, ka zbehtësi, lodhje, bark të fryrë, flasim këtu për rritje të mëlçisë, të shpretkës apo gjëndrave limfatike.

Ka një lloj shërimi të mirë të kancerit pediatrik në vendet e zhvilluara dhe kjo shkon deri në 80-85%. Ndërkohë që në vendet me zhvillim të ulët mund të shkojë më pak se 30% ose maksimumi deri në 40%”,-tha mjekja./CNA

 

 

 

 

 





Lajmet e fundit nga