web counter
LEXO PA REKLAMA!

SHKARKO APP

App Store
Google Play

Ish-ushtaraku dëshmon për “Gërdecin”: Pashë me sytë e mi kur një djalë humbi jetën, u përfshimë nga flakët

30 Nëntor 2023, 14:24, Aktualitet CNA

Ish-ushtaraku dëshmon për “Gërdecin”: Pashë me

Për tragjedinë e Gërdecit që ndodhi në mars të 2008, ka dëshmuar në SPAK, ish-ushtaraku Sadik Sula. Ky i fundit kujtoi momentin kur pa zjarr pranë karrocës së salduar, para se depoja e municioneve të shpërthente.

“Mora vesh për Gërdecin përmes 3 miqve të mi, kontaktova me Petrit Bekoharin. Pas një jave më kthehet përgjigjja dhe vazhdova punë. Detyra ime ishte të hiqja djegoret nga predhat, kisha punë të veçuar. Ditën e ngjarjes ishim rreth 60 punonjës në fabrikë. Dëgjoj një punëtor duke bërtitur ‘baruti u ndez’. Dola pashë një djalë të ri pranë karrocës që na kishin thënë se sapo ishte salduar, me sa duket pasi hodhi dy-tre thasë, ajo filloi ndezjen. Pastaj u dëgjua një shpërthim. Pranë ishin, rreth 50 m, 4 kontejnerë me barut. Edhe në shesh kishte sasi të madhe baruti të hedhur”, tregon ai. 

Gjatë seancës, në të cilën dëshmoi edhe ish-ministri i Mbrotjes, Fatmir Mediu, ushtaraku tha se pasi pa kushtet se si punohej në të, donte të largohej, por e kishte të pamundur, pasi kishte shumë nevojë për një rrogë. 

Ai theksoi gjatë dëshmisë se për një kovë uji ndodhi ajo që ndodhi, dhe pretendoi se tragjedia mund të ishte parandaluar. 

“Dy javë punova aty, pasi pashë situatën kisha vendosur që 1 muaj të punoja aty. Nuk ikja dot direkt pasi e kisha kërkuar vetë punën. Fëmijët i kisha në shkollë, vetë e gruan pa punë, 150 mijë lekë të vjetër merrja pension të parakohshëm si ushtarak. Kur pashë zjarrin, te karroca e salduar, ishte një djalë që ndoshta ka qenë bërë gati për ta shtyrë, ai vdiq, u shtrimë në tokë. Jemi djegur nga pas duke qenë se flakët vinin pas nesh. Pashë me sy flakët dy metër mbi karrocë”, tha ai./CNA

 





Lajmet e fundit nga