LEXO PA REKLAMA!

SHKARKO APP

E fundit!

x

ILD, mungesë të burimeve njerëzore/ Metani: Ka qenë vërtetë problem

22 Shkurt 2023, 16:32, Aktualitet CNA
ILD, mungesë të burimeve njerëzore/ Metani: Ka qenë
Inspektori i Lartë i Drejtësisë, Artur Metani

Inspektori i Lartë i Drejtësisë, Artur Metani mori pjesë në tryezën e punës së thirrur nga Instituti për Studime Politike për të diskutuar konkluzionet e raportit monitorues të kësaj organizate “Roli, bilanci dhe sfidat e ILD-së”..

Duke paraqitur konkluzionet e raportit të tij monitorues, pedagogu Erind Mërkuri u ndal tek sfidat e ILD-së, të cilat kanë të bëjnë me numrin e lartë të ankesave ndaj gjyqtarëve e prokurorëve në raport me kapacitetet jo të plota të inspektimit, si dhe tek fakti se Kolegji i Lartë i Apelimit ka konfirmuar si të drejta procedurat disiplinore të kryera nga Inspektori i Lartë i Drejtësisë.

Në përgjigje, Metani vlerësoi monitorimin e detajuar që i është bërë ILD-së, si mënyra e duhur për të matur me indikatorë të qartë punën e institucionit.

ILD, mungesë të burimeve njerëzore/ Metani: Ka qenë

“Mungesa e burimeve njerëzore ka qenë vërtetë problem, por kjo nuk e ka penguar ILD-në, që të performojë dhe rezultatet duken. Drejtësia në këndvështrimin tim nuk është statistikë por rëndësi kanë standardet e vendosura dhe fakti që Këshillat, KLGJ e KLP, kanë konfirmuar gjithmonë gjetjet e ILD-së.  Kjo është vendosje standardesh, të cilat njëlloj janë konfirmuar edhe nga KPA. Kjo do të thotë që sistemi funksionon dhe prandaj është e rëndësishme, që nëse vlerësohet puna e institucioneve, e ILD-së, duhet bërë me indikatorë si ky i sotmi, pra me indikatorë ku ka qenë, çfarë ka bërë dhe ku do shkojë.”

I pyetur nga moderuesi i takimit, gazetari Lutfi Dervishi për dimensionin tjetër të ILD-së, atë të inspektimeve, Metani tha se “institucioni nuk duhet parë si një çekan mbi kokat e magjistratëve por si mekanizëm që ndihmon në evidentimin e standardeve të punës përmes inspektimeve institucionale apo tematike, pra ndihmesën që i jep gjyqtarëve e prokurorëve e vetë sistemit përmes rekomandimeve konkrete.”/ CNA.al

Lajmet e fundit nga