web counter
LEXO PA REKLAMA!

SHKARKO APP

App Store
Google Play

Protesta dhe akuza në Tiranë/ Rama në Tokio, çfarë prodhoi vizita e kryeministrit

22 Shkurt 2023, 14:11, Aktualitet CNA

Protesta dhe akuza në Tiranë/ Rama në Tokio, çfarë

Kryeministri Edi Rama ndodhet në Tokio, në një kohë që në mediat ndërkombëtare dhe kombëtare flitet për të skandalin “McGonigal” dhe lidhjet e tij me ish-zyrtarin e lartë Charles McGonigal.

Ndërkohë që opozita vijon me akuzat ndaj kryeministrit, duke theksuar se Rama po përpiqet që të eliminojë PD-në, duke kujtuar se deri më tani janë përjashtuar rreth 18 deputetë nga seancat parlamentare.

Situata në vend, protestat e njëpasnjëshme të opozitës, skandali me McGonigal, nuk e shqetësojnë kryeministrin, i cili nga Japonia bën me dije se bashkëpunimi mes dy vendeve do të vijojë të forcohet.

Në konferencën për shtyp, Rama tha se gjatë kësaj vizite, u arrit të firmosej marrëveshja për ngritjen e dhomës së tregtisë.

Gjithashtu e quajti me rëndësi faktin që Japonia po angazhohet për të emëruar një ambasador në Ballkanin Perëndimor.

"E vizitoj Japoninë pasi kam fituar tri herë zgjedhjet. Shpresoj që ju së shpejti të vizitoni Shqipërinë. Japonia po angazhohet që të emërojë një ambasador përgjegjës për Ballkanin Perëndimor. Kemi bashkuar forcat për të mbështetur Ukrainën dhe vendosjen e sanksioneve.

Do vazhdojmë të punojmë krah për krah me miqtë tanë në Këshillin e Sigurimit. Kemi parë me shumë interes strategjinë kombëtare të mbrojtjes që ai ka hartuar dhe shpreha vlerësimet e mia më të larta për këtë. Do të doja të përmbyllja duke theksuar dëshirën për bashkëpunim dhe për të parë që të ketë më shumë gjëra që ndodhin mes dy vendeve tona. Jemi larg gjeografikisht, ju jeni më të pasur, ne jo, por ne besojmë se më shumë sesa dallimet ajo që na bashkon ne është vlera", tha Rama në konferencë për shtyp. / CNA.al





Lajmet e fundit nga