Gjergj Luca akuza gazetarëve/ Ngatërrestarët e kombit, që janë më llum se llumi i politikës

19 Shtator 2022, 16:53, Aktualitet CNA

Gjergj Luca akuza gazetarëve/ Ngatërrestarët e kombit, që

Biznesmeni dhe sipërmarrësi, Gjergj Luca

Biznesmeni dhe sipërmarrësi, Gjergj Luca ka hedhur akuza ditën e sotme ndaj gazetarëve, teksa shfaqet duke mbajtur hekur së bashku me punëtorët.

Luca cilëson disa gazetarë si ngatërrestarë të kombit që janë më llum se llumi i politikës dhe që mbrojnë personat që duan të shkatërojnë godinat ekzistuese edhe pse bisnesmenët duan t’i rijetëzojnë duke sjellë projekte investuese.

“Jo gazetarë miqtë e mi, por ngatërrestarë.

Ngatërrestarët e kombit që janë më llum se llumi i politikës”, shkruan ai në rrjetet sociale.

Ndërkohë, në një video, ai thotë se duhet t’i vijë turp këtyre gazetarëve, ndërsa i bën thirrje opinionit publik të Korçës dhe zonave përreth të protestojnë së bashku me të në festat e nëntorit.

Biznesmeni thekson se pikërisht në këtë vend ku sot po mban hekur, do të hapen 400-500 vende pune.

“Duke mbajtur hekurin që kanë shkatërruar këta zotëritë me tender që u dhimbset ky vend, që gërthasin përditë se e duan këtë vend dhe këta godinat këtu i kanë shkatërruar me tender.

Nuk ka ndodhur në historikun e njerëzimit të shkatërrojnë godinat për të vjedhur hekurin. Nuk ka ndodhur ndonjëherë kjo punë. Edhe ata që e kanë shkatërruar, vijnë dhe gërthasin përditë për ata që ndërtojnë. Edhe qentë e tyre që janë gazetarë në portale e televizione, që tu vijë turp se më vjen keq se ka gazetarë shumë të mirë që kam miq, se unë nuk do t’i them gazetarë këtyre tjerëve, por do t’i them ngatërrestarë.

Lehin nëpër portale me televizione, të merren me tenderat e shkatërrimit, të mos merren me njerëzit që ndërtojnë, t’i vijë turp t’i vijë.

Dhe gjithë opinionit publik të Korçës, edhe të gjitha katundeve këtu përreth, ditën e flamurit, që ngrihet flamuri për festat e nëntorit, të vijnë ta inaugurojnë këtë vend dhe të shohin 400-500 motrat tona duke punuar këtu edhe do ta kthejmë në një miting atë ditë, do të protestojmë për këta zotërinjtë që u dhimbset ky vend prej plehrave, se mbi këto plehra ne po ndërtojmë jetë. Edhe po ndërtojmë shpresë për njerëzit, edhe të vijnë të merren me ne, me mua dhe shokët e mi që do t’i marrim gjoja në varr këto gjëra. Që mos bëfshin hajër, t’i vijë turp t’i vijë”, nënvizon Gjergj Luca./ B.A. - CNA.al