web counter
LEXO PA REKLAMA!

SHKARKO APP

App Store
Google Play

“Paketa antikrizë, thërrime për qytetarët”/ Grupi i PD-së çon në GJK Bordin për çmimet e Ushqimeve

19 Shtator 2022, 14:22, Aktualitet CNA
“Paketa antikrizë, thërrime për qytetarët”/
Dashnor Sula dhe Nallbati

Deputetët demokratë, Dashnor Sula dhe Bledion Nallbati, kanë dorëzuar sot në Gjykatën Kushtetuese kërkesën e grupit të PD-së të firmosur nga 29 deputetë, për të shfuqizuar Bordin e Përcaktimit të Produkteve Ushqimore.

Gjatë fjalës së tij para mediave, deputeti Sula u shpreh se qeveria i ka kthyer në ditë dimri të gjitha ditët e verës pasi paketa e ndihmës ishte e pamjaftueshme dhe çmimet shumë të larta. 

“Sapo dorëzuam kërkesën për shfuqizimin e aktit normativ të qeverisë për bordin për çmimet e ushqimeve. Qeveria i ka kthyer në ditë dimri të gjitha ditët e verës për qytetarët shqiptarë. Kanë paguar çmime të larta për të gjitha produktet ushqimore. Paketat e ndihmës së qeverisë ishin tërësisht të pamjaftueshme. Unë bashkë me kolegët e PD-së kemi bërë përllogaritje dhe del që është 76.7% rritja e produkteve të shportës. Gati dyfishim.

Paketa që jep kjo qeveri janë vetëm thërrime. Kjo është për të ardhur keq dhe gjej momentin t’i bëj thirrje Gjykatës Kushtetuese që të marrë me procedurë të përshpejtuar këtë kërkesë. Ky bord është abuziv dhe nuk përfaqëson interesat e qytetarëve të shqiptarëve. Është një bord që përbëhet nga qeveria dhe grosistët, zero përfaqësim të qytetarëve shqiptarë. Është thjeshtë propagandë. U kërkojmë ndjesë qytetarëve për vonesën”, tha ai./CNA.al

 





Lajmet e fundit nga