web counter
LEXO PA REKLAMA!

SHKARKO APP

App Store
Google Play

E fundit!

x

Do të ekzekutohej bashkë me Albin Kurtin/ Reagon deputeti: Më kanë paralajmëru, por s’kam pas mbrojtje

19 Shtator 2022, 13:51, Aktualitet CNA
Do të ekzekutohej bashkë me Albin Kurtin/ Reagon deputeti: Më
Kuvendi Kosoves

Pas publikimit të informacioneve në media, bazuar në dokumentin e publikuar nga hakerët, në të cilin thuhet se në vitin 2021 ishte planifikuar vrasja e kryeministrit Albin Kurti, Ismet Haxhës dhe Xhavit Halitit, ka reaguar dhe ky i fundit.

Në një prononcim për gazetën "Ekspres", deputeti i Kuvendit të Kosovës, Xhavit Haliti, tha se ka pasur paralajmërime nga policia për atentat ndaj tij, por thekson se situatat si kjo ai i ka “të rregullta”.

“Unë kam pas paralajmërime, më kanë lajmëru edhe policia. U kanë një kohë kur më kanë ruajt, unë i kam këto të përhershme që nga viti 85, i kam kështu të rregullta”, tha Haliti.

Do të ekzekutohej bashkë me Albin Kurtin/ Reagon deputeti: Më
Xhavit Haliti

I pyetur nëse ka pasur informacione nga policia në vitin 2021, ai tha: “Më kanë tregu që është diçka por s'kam pas (mbrojtje). Ndoshta në distancë e që se kam ditë”.

Por, Haliti tha se rreth tri vjet më parë ai është ruajtur për gjashtë muaj nga mbrojtja e afërt e policisë.

I pyetur nëse është informuar rreth arsyes së mundshme rreth vrasjes së tij, ai tha “nuk e di, ata e dinë”./CNA.al





Lajmet e fundit nga