web counter
LEXO PA REKLAMA!

SHKARKO APP

App Store
Google Play

E fundit!

x

“Fasha të shkojë në 1200 kw në muaj”/ Meta bën zëdhënësin pas kërkesës së Konfindustrisë

19 Shtator 2022, 12:33, Aktualitet CNA
“Fasha të shkojë në 1200 kw në muaj”/ Meta
Ilri Meta

Duke filluar nga 1 tetori çmimi i energjisë elektrike do të rritet për abonentët familjarë që shpenzojnë mbi 800 kwh.

Ndryshe nga tarifa prej 9.5 lekë që paguanin deri tani, me vendosjen e fashës së energjisë do të paguajnë 42 lekë.

Konfindustria ka kërkuar nga qeveria rishikimin e vendimit për vendosjen e fashës orare, pasi sipas saj gjatë muajve të dimrit ky kufi kalohet nga thuajse 13-20% e familjeve.

Pas kësaj deklarate ka reaguar dhe kreu i PL-së, Ilir Meta, i cili në një postim në rrjetet sociale, shkruan se mbështet këtë propozim.

MESAZHI I METËS:
Mbështes plotësisht propozimin e Konfindustrisë Shqiptare për rritjen e fashës së konsumit të energjisë elektrike, mbi të cilin do të zbatohet pagesa me çmimet e tregut ndërkombëtar për familjarët.
Propozimi për vendosjen e kësaj fashe nga 800Kë në 1200Kë në muaj është plotësisht i drejtë, pasi me fashën e vendosur nga Qeveria preken financiarisht dhe në mënyrë të konsiderueshme rreth 90.000 deri në 130.000 familje shqiptare, kryesisht ato të shtresës së mesme.
Në kushtet e rritjes të çmimeve të naftës, produkteve të shportës dhe çdo shërbimi, është e pavend të rëndohen edhe më tej buxhetet familjare.
Është koha për të mbështetur familjet shqiptare dhe jo për t’i zhvatur ato, me para që përfundojnë për inceneratorët, koncensionet dhe tenderat sekretë./CNA.al

 





Lajmet e fundit nga